Richard at Barbie, na- ‘kasama’ reveal sa Japan

Hula ng mga netizen ay magkasama ang Incognito actor na si Richard Gutierrez at rumored girlfriend nitong si Barbie Imperial sa Japan.

Magkaparehong araw kasi nag-post ang dalawa kung saan kuha ang mga photo nila sa Japan.

Hindi sila magkasama sa mga litrato na ipinost nila sa social media kung saan ang caption ng anak ni Annabelle Rama ay “Arigato gozaimasu” habang kay Barbie naman ay “konnichiwa.”

Komento nga ng mga tagahanga sa post ng aktres ay kasama reveal naman daw ito lalo na ang mga gusto ng kumpirmasyon kung magkasama sila.

Mukhang hindi na rin naman nga kailangan pang tanungin kung magkasama sila. At mukhang doon din sila nag-Bagong Taon.

Halata na rin ang pagiging malapit ni Barbie sa pamilya ni Richard at makikita sa post niya na nagkomento ang ate nitong si Ruffa at kinumusta ang weather sa Japan na sinagot ni Barbie na sobrang lamig daw.

Pansin din ng mga netizen ay bumabata raw tingnan ang aktor ngayong karelasyon diumano nito si Barbie.

Habang ang mga basher naman ay nakikita nila kay Barbie ang ex-wife ng aktor na si Sarah Lahbati.

Tinawag nila itong “Little Sarah L.” dahil hawig daw ang dalawa na mukhang taste raw talaga ni Richard. Ang iba kasi inakalang si Sarah ito.

Pero mukhang naka-move on na rin naman ang nanay nina Zion at Kai at dedma na sa relasyon ng kanyang ex.

Wish nga nila ay sana pareho nang maging masaya ang mag-ex para rin sa mga anak nila. Bongga.