Solenn, nagpaka-praktikal sa party ng mga anak!

Sabay na sinelebreyt ng mag-asawang Solenn Heussaff at Nico Bolzico ang birthday ng mga anak na sina Thylane at Maelys.

Tila naging praktikal ang mag-asawa sa joint birthday ng mga anak.

Ipinost ng aktres ang mga photo sa fairy-themed double birthday party ng anak.

Two at five years old na raw ang dalawa at nagpasalamat naman ang dating aktres sa mga nakiselebreyt at tumulong na mapangiti ang mga anak nila ni Nico.

Makikitang lutang ang saya ng mga birthday girl sa party nila at syempre invited din ang pinsan nilang si Dahlia na anak nina Anne Curtis at Erwan Heussaff.

Ang cute nga ng magpipinsan na may mga face paint na nag-ala little fairies sa costume nila.

Pati nga ang matatanda ay nag-enjoy rin.

Sey nga ni Iya Villania ay the best daw ang joint celebrations na mukhang ang tinutukoy ay nakakatipid talaga ang parents sa pinagsabay na party ng mga anak nila na hindi rin naman talaga biro ang ginagastos at bongga pa rin.

Habang aliw naman ang nagkomento ng netizen na bakit daw laging naka-board shorts si Nico.

Pati nga iyon ay napansin pa nila. ‘Kaloka.