Kim, inamin ang pagdaan ni paulo sa kanyang dressing room

Uy inamin ni Kim Chiu na dumaan nga sa dressing room niya si Paulo Avelino recently.

Sinabi ni Kim kahapon sa Suspek Suspek portion ng It’s Showtime kahapon na totoo ang kumalat na video nila ng actor.

“Uy grabe. Nanggaling siya ng recording nun kasi wala pa ‘yung sundo niya. So dumaan muna. Nagulat din ako,” chika ni Kimmy nang i’suspek’ siya ni Vice Ganda.

Eh marami na palang kinilig sa isang teaser clip ng kanilang paparating na pelikula na My Love Will Make You Disappear kasama si Paulo.  Nakatakda itong ipalabas sa mga sinehan sa Pebrero sa susunod na taon.

Pero chika ni Kim, hindi pa sila tapos sa shooting ng pelikula kaya wala  talaga silang bakasyon.

Bongga. Basta ako ako happy ako for Kim kung happy siya sa piling ni Paulo.

Bong, babawi

Babawi si Bong Revillla sa MMFF 2024.

‘Yan ang pramis niya sa amin sa press launching ng Walang Matigas na Pulis sa Matinik na Misis noong Sabado.

Naudlot nga ang sana ay entry niya sa 50th anniversary ng MMFF nang maaksidente si Bong sa shooting ng comeback movie niya sanang Birador: Alyas Pogi 4.

Saka bumawi naman siya sa Season 3 ng Kapuso series na Walang Matigas na Pulis...

Matatandaang naoperahan sa Achilles tendon ang pinaka-favorite na alaga ko.

Ngayon, normal na ulit ang lahat at ratsada na siya sa hitik na hitik na action scenes base na rin sa teaser ng Walang Matigas na Pulis… Season 3, na magsisimula nang mapanood sa GMA sa December 22.

Sosyal.