Hero Angeles, nagparamdam!; Neri hinahanap!

May plano nga kaya ang first Star Circle Quest grand winner na si Hero Angeles na muling maging aktibo sa kanyang showbiz career?

Ipinost niya ang mga litrato nila ng kapwa former Star Circle Teen Questors na sina Roxanne Guinoo, Melissa Ricks, Joseph Bitangcol, Errol Abalayan, at nagkaroon sila ng mini reunion sa game show ni Luis Manzano.

Nanghinayang nga ang fans na wala si Sandara Park na dating ka-loveteam ni Hero.

Sana raw ay magkaroon ng chance na magkatrabaho ulit ang dalawa na naudlot noon.

Naalala din ng fans ang mga intriga noon kay Hero at nanghinayang sila sa career nito lalo na ngayon ay pansin nila na walang kupas ang kagwapuhan nito.

Papasa nga raw itong kapatid ni Alden Richards na may hawig sila dahil din sa dimple, pati na rin daw kay Dominic Roque.

Hinanap naman ng mga netizen si Neri Naig na ka-batch din nila.

Hirit naman ng ibang netizen ay busy raw kasi sa demanda si Neri kaya hindi nakasama sa kanila.

Sa kasalukuyan nga ay sina Joross Gamboa at Sandara ang natirang may career sa batch nila.

Kaya baka raw posible pang makagawa ng proyektong magkasama sina Hero at Sandara. Bongga.