Kathryn at Daniel, nag-moment sa dressing room

Tiyak na tuwang-tuwa ang KathNiel fans sa balitang kumakalat ngayon tungkol sa idolo nilang si Kathryn Bernardo and Daniel Padilla.

Itsinika nga kasi ni Ogie Diaz sa latest episode ng Ogie Diaz Showbiz Update sa YouTube na nagkausap daw sina DJ at Kathryn sa ABS-CBN Christmas Special na ginanap last Tuesday sa Araneta Coliseum. “’Eto na nga, according to my source – pwedeng linawin ito ni Kathryn or ni DJ, ng mga nakakita o mga kasama nila. ‘Yun nga ang tsika sa akin, nagkita ang dalawa, si Kathryn at si Daniel,” sey ni Ogie.

“Nagkita sila sa backstage, dressing room,” patuloy niya.

Kwento pa niya, kumatok daw si Daniel sa dressing room ni Kathryn at may dalang flowers para sa dalaga. “Hindi ba may sariling dressing room si Kathryn? Eh bigla raw may dalang flowers si DJ, kumatok sa dressing room, pinapasok, naglabasan ang glam team ni Kathryn at hinayaan ang dalawa na makapag-usap. ‘Yun lang naman ‘yung nakarating sa akin,” tsika ni Ogie.

Matagal-tagal din daw nag-usap ang dalawa at wala nga raw sa kwarto ang mommy ni Kathryn na si Mommy Min. “Ang tsika pa nga, eh, may nagtimbre kay Daniel na samantalahin ang chance na puntahan si Kathryn habang hindi pa daw dumarating si Mommy Min,” sabi pa ni Ogie.

If ever nga raw na totoong nagkausap ang KathNiel ay magandang senyales daw ito at hindi man magkabalikan ay maibalik man lang daw sana ang friendship since 11 long years din naman ang kanilang relasyon.

Well, ano naman kaya ang reaksyon ng fans nina Kathryn and Alden Richards (KathDen)?

Rufa, nakakuha ng mga kakampi

“Kaya pa.” Ito ang katagang ipinost ng sexy comedienne na si Rufa Mae Quinto sa kanyang Instagram na tila tumutukoy sa kanyang pinagdaraanan ngayon.

Matatandaan nga kasing nadawit din si Rufa Mae sa kasong kinakaharap din ni Neri Naig-Miranda bilang endorser din ng isang skincare company.

Bukod dito ay usap-usapan nga rin na hiwalay na sila umano ng asawa niyang si Trevor Magallanes na natsismis na inaresto na sa Hawaii.

Nagpakita naman ng suporta sa kanya ang ilang celebrities pati na rin ang kanyang fans.

“Kayang kaya… IKAW PA BA!” sey ni Mariel Rodriguez.

“Kayang kaya friend!! Miss u!” ang komento naman ni Jerald Napoles.

Hanggang ngayon ay wala pang pahayag si Rufa Mae tungkol sa mga isyung kinasasangkutan.