Iza, ayaw na ulit mag-teleserye

Ang gorgeous pa rin ni Iza Calzado sa kanyang pagbabalik sa pelikula with GMA Pictures na Green Bones.

Ilan sa mga pelikulang nagawa ni Iza sa Kapuso film company ay Moments of Love, Mulawin The Movie, Ouija, Batanes and One True Love.

“It’s so nice to be back. Ang ganda ng script na pinadala nila sa akin, so I said yes right away. It’s also my chance to work again with my fellow Kapuso who are in this movie like Dennis Trillo, Wendell Ramos and Alessandra de Rossi. Ang sarap na ma-reconnect with them sa project na ito.”

Hindi pa raw masagot ni Iza kung may gagawin siyang comeback teleserye with GMA dahil mas focus daw siya sa kanyang pamilya.

“For now, being a mother and wife ang roles ko ngayon. Amihan is growing up fast and my husband Ben has always been there. I want this time para sa kanila. But who knows, baka magulat na lang kayo!” tawa pa ni Iza. 

Sid, tuhog sa MMFF!

Ang bongga ni Sid Lucero dahil dalawa ang pelikula niya sa Metro Manila Film Festival. Una ay ang The Kingdom with Vic Sotto and Piolo Pascual at second ay Topakk with Arjo Atayde and Julia Montes.

Break nga ito ni Sid mula sa sunud-sunod na sexy movies na ginawa niya for Vivamax. Kung drama raw ang The Kingdom, napasabak naman siya sa action sa Topakk ng Nathan Studios.

“It’s been a while na nagkaroon tayo ng malaking action movie and I am proud to be part of Topakk. It made rounds sa mga international film festivals and it is truly a movie you shouldn’t miss, lalo na sa mga mahilig sa action movies this Christmas. 

“Then again, para naman sa buong pamilya ang The Kingdom where I play Bossing Vic Sotto’s son. Buti na lang at hindi siya comedy or else ‘di ako makakasabay kay Bossing,” ngiti ni Sid.

Ang Tito Michael (de Mesa) naman ni Sid ay nasa isa ring MMFF movie na Green Bones kaya magkikita raw silang mag-tito sa Parade of Stars.

Espresso singer, hiwalay na sa irish actor

Hiwalay na ang Espresso singer na si Sabrina Carpenter sa Irish actor-boyfriend niya na si Barry Keoghan after a year of dating.

“They are both young and career-focused, so they’ve decided to take a break,” ayon sa report ng Extra.

The two made their red-carpet debut together at the Met Gala. 

Sinamahan pa ni Barry si Sabrina nung maging guest performer ito sa Eras Tour ni Taylor Swift sa New Orleans, Louisiana. 

September 2023 nung unang makitang kasama ni Sabrina ang Oscar-nominated actor sa Paris Fashion Week.