Jimmy Bondoc, abala sa paghahanda sa kasal

Ah wow sa February 2025 pala ang kasal ni Atty. Jimmy Bondoc.

Isa ring abogado ang pakakasalan ng dating singer, si Atty. Isabel Torrijos.

Sa law school nag-umpisa ang kanilang relasyon, kuwento ni Atty. Isabel.

Kaya bukod sa tutulong siya sa kampanya ni Atty. Jimmy na kumakandidatong senador, abala rin siya sa paghahanda sa kanilang kasal.

At handa raw siyang sumama sa kampanya ng kanyang fiancé.

Anyway, graduate ng Ateneo de Manila (Bachelor of Arts) at University of the East (Juris Doctor) si Jimmy.

Identified ang singer / composer/ producer kay former president Rodrigo Duterte. Maaalalang noong panahon ni Duterte ay naging Assistant Vice President for Entertainment siya ng PAGCOR (2016); Vice President for Corporate Social Responsibility (CSR) Group (PAGCOR) -2017 – 2021 at naging Board of Directors noong 2021.

Kaya’t kabilang sa mga tatayong ninong sa kasal ang dating presidente ng Pilipinas.

Heart, kumpirmadong magaling magbenta

Umagaw ng eksena si Heart Evangelista sa red carpet ng #VogueLovesHongKong kahit 24 hours lang sila ng kanyang glam team.

Bongga nga ang misis ni Senate President Chiz Escudero lalo na red carpet suot ang alahas ng Carnet, isang luxury jewelry brand.

No doubt na darling ng mga fashion event ang actress, artist, philanthropist at global fashion.

Bago ang nasabing red carpet ay nag-upload na siya na nag-pictorial para sa Vogue Hong Kong na suot nga ang mga nasabing alahas.

Parang two weeks ago lang ay nasa Indonesia si Heart sa partnership naman ng isang luxury brand ng bag sa nasabing bansa. At talagang pinilahan siya ng mga Indonesian at panay ang pa-selfie sa kanya na makikita sa mga kumalat na Reel.

Days ago naman ay naglabas din siya ng pictorial para sa isang international perfume brand and so far nagkakaubusan na raw ito ng stock.

Actually, ‘yun daw ang advantage ni Heart, naso-sold-out daw talaga ang mga ini-endorse niya sa kanyang social media pages.