Julia at James kumpirmado, Kapamilya na ulit!
Hindi lang si Julia Barretto ang nagbabalik sa ABS-CBN, pati na si James Reid. In fact, nakipag-meeting na siya sa team ng Dreamscape na siyang in-charge sa project na kanyang gagawin.
Sa photos na nakita namin, kasama sa meeting si Cory Vidanes at sa caption na “Something to look forward to this 2025” marami agad ang excited na fans ni James na nami-miss siyang mapanood sa telebisyon na umarte.
May mga nalungkot lang na JaDine fans nina James at Nadine Lustre dahil parang malabo raw na muling magtambal ang ex-couple kahit sa trabaho. Ayaw rin yata ni James bilang respeto sa girlfriend niyang si Issa Pressman. Ganu’n din siguro ang magiging rason ni Nadine kapag in-offer ng project with James, respeto sa boyfriend niya.
May nagtanong pa kung bakit si Liza Soberano hindi uli kunin ng ABS-CBN? Baka naman susunod na siya, maghintay lang daw tayo. Basta sa ngayon, ang project ni James ang pinaghahandaan ng Dreamscape.
ShaGab, tinapos na ang ilangan!
Ikinatuwa at kinakiligan ng ShaGab fans nina Sharon Cuneta at Gabby Concepcion ang naging pahayag ni Sharon sa interview nila. Si Sharon ang nagsabing after their Dear Heart show babalik na sila ng bansa at “We’ll fly home together.”
Kaya kung noong lumipad sila pa-California ay hindi sila sabay, sa kanilang pag-uwi ay sabay na sila.
Nabanggit ni Gabby na naging closer sila, naintindihan ang isa’t isa that made them a better person. Ramdam nga na mas maganda ang relasyon ng dalawa ngayon, mas genuine ang pagiging close at wala nang ilangan. Lagi ngang nakaakbay si Gabby kay Sharon at hindi pilit ang mga ngiti.
Looking forward din sila sa isa pang binanggit ni Sharon na may project silang gagawin together. Aabangan nila ito, mapa-concert man at o pelikula na ang kanilang gagawin.
Hinahanap ng ShaGab fans si KC Concepcion, ang saya raw ng parentals niya, pero parang walang reaction si KC. Hindi ito nagko-comment sa mga post ng kanyang parents, nasaan daw ba si KC?
Miguel, susunod na kay Ruru
Ang Mga Batang Riles na isa sa mga bida ay si Miguel Tanfelix ang unang magpi-premiere sa mga bagong series ng GMA 7. Sa Jan. 6, 2025 na ang airing, kaya pala sunud-sunod ang pagpapalabas ng teaser at isa-isang ipinakilala ang cast at ang pangalan ng karakter nila.
Sa direction ni Richard Arellano, ipapakita ng series ang husay sa action ng cast pagkatapos ng kanilang training at patuloy na training. Si Miguel nga, hindi makapaniwala na magiging action star siya dahil sa drama at romcom siya bumida.
Pero, ngayon, nakikipagbakbakan na siya. Nag-training sila ng martial arts under Ronnie Ricketts at natuwa si Ronnie sa nakitang husay at improvement ng mga bata.
Ang hindi pa naitatanong kay Miguel ay kung ramdam niya ba na siya na ang susunod na ibi-build up gaya ni Ruru Madrid na kinikilala ng Primetime Action King? At magsasama ba sila ni Ruru sa isang action series?
- Latest
