Rachelle Ann, binalikan si Fantine!

Balik sa pagganap niya as Fantine si Rachelle Ann Go sa Les Miserables: The Arena World Tour. Magtatanghal sila sa ilang cities in Europe and Australia. Post ni Rachelle sa IG: “Here we go again.”

Huli siyang napanood sa 2023 international tour ng musical na Hamilton kunsaan gumanap siya as Eliza Schuyler.

Taong 2015 noong unang gumanap as Fantine si Rachelle after ng kanyang 2014 West End debut as Gigi sa Miss Saigon.

Sa London naka-base si Rachelle kasama ang mister na si Martin Spies at ang kanilang dalawang anak.

Aicelle, umaasa sa himala

Nagbabalik sa pagganap si Aicelle Santos bilang Elsa sa film musical na Isang Himala na isa sa official entries ng 2024 Metro Manila Film Festival (MMFF).

Ang Isang Himala ay film version ng theatre musical na Himala, Isang Musikal na tinanghal noong 2018-2019. Hango naman ito sa 1982 film na Himala na pinagbidahan ni Superstar Nora Aunor at dinirek ni Ishmael Bernal. Naging MMFF entry din ito at nanalo ng siyam na awards including best picture at best actress.  “It’s been a while. Taking on Elsa again after 5 years. A lot has happened and a lot has changed. But one thing remains - I’ll still and will always be grateful to be able to go back to my first love, singing, and musical theater. And this time, in the movies,” sabi ni Aicelle sa kanyang post.

Ang nanalong best director last year sa MMFF (for GomBurZa) na si Pepe Diokno ang director ng Isang Himala at ang cast ay binubuo ng theatre artists na sina Bituin Escalante, David Ezra, Vic Robinson at iba pa.

Malaki ang paniniwala ng kanilang producers na malaki ang laban ng pelikula kahit na ang mga kasabayan nito ay mga pelikulang may malalaking artista tulad ng And the Breadwinner Is…, The Kingdom, Frequencies, Espantho, Hold Me Close, My Future You, Green Bones, Topakk, at Uninvited.

Actor-director na si John Krasinski, tinanghal na sexiest man alive!

Tinanghal na 2024 Sexiest Man Alive ng People ang actor-director na si John Krasinski.

Ayon sa aktor:  “That’s not how I wake up, thinking, ‘Is this the day that I’ll be asked to be Sexiest Man Alive?’ And yet it was the day you guys did it. You guys have really raised the bar for me.”

Married siya sa aktres na si Emily Blunt at may dalawa silang anak. Dinirek niya si Emily sa suspense-thrillers na A Quiet Place (2018) at A Quiet Place Part 2 (2020).

Unang nakilala bilang comedian si Krasinski sa hit sitcom na The Office (2005-2013). Lumabas siya sa mga pelikulang Leatherheads, Away We Go, It’s Complicated, Something Borrowed, Promised Land, Big Miracle at 13 Hours: The Secret of Benghazi.

Nagbida rin siya sa spy thriller series na Jack Ryan sa Amazon Prime.