Singer, binabawi ang komisyon

Ayaw palamang pagdating sa pera ang isang female singer na magaling at mabenta sa mga event.

Kapag may middleman na gustong kunin ang serbisyo niya, sinasabihan niya ito na patungan niya na lang para kumita.

Eh nagbibigay pa rin kasi sa kanyang manager ang singer kaya ayaw niyang mabawasan ang talent fee niya mula sa kumukuha sa kanya.

Pero pumaparaan ang female singer kapag nasa event na. Gusto niya kasing maibalik ang komisyong ibinigay niya sa manager, huh!

Ang ginagawa ng singer, kinakaibigan ‘yung maya­yaman na kumuha sa kanya. Tapos, magpapa-impress siya sa pagkanta na parang wala nang bukas!

Bakit? Para madagdagan ang talent fee niya nang sa gayon, ‘yung original na talent fee niya ma-take home nang buung-buo, huh! Kumbaga, naibalik sa kanya ang kinomisyon sa kanya!

GMA contractors, kinasuhan na                    

Kinasuhan na ng Department of Justice ang independent contractors na si Jojo Nones at Richard Cruz ng kasong rape through sexual assault at acts of lasciviousness sa Pasay RTC.

Kaugnay ito sa pang-aabuso umano ng dalawa sa actor na si Sandro Muhlach.

Hintayin na lang natin ang korte na humatol sa kasong ito.