Charo, ganap na paf reservist

Ang galing naman ni Madam Charo Santos.

Tinalbugan pa niya ang ilang bata-batang celebrity na pulos pagpapa-cutesy at kaartehan ang binibida.

Si Madam Charo, nakatapos ng training bilang reservist sa Philippine Air Force.

Aniya sa isang post : “Ako po si Charo, isa nang ganap na Philippine Air Force (PAF) Reservist!

“It’s never too late to start something new, to challenge yourself, and to keep on growing. Today marks my graduation from the PAF Reservist training—a journey that was as rewarding as it was challenging. There were moments when I doubted myself, wondering if I could meet the demands, but I embraced every challenge, pushed forward, and found joy in each step of the process.

“Through this experience, I have discovered a deeper sense of purpose and a renewed love for our country. Spending these past few weeks alongside my fellow reservists has been an honor, and I hope my story encourages you to pursue your passions, face your fears, and keep moving forward. No matter where you are in life, know that growth is always possible.

“Special thanks to 1st ARCEN and Col. Florante Baterina for your leadership and guidance throughout this journey. Maraming salamat sa inyong suporta at tiwala. #PAFReservist #NeverStopGrowing #ProudToServe.”

Andami naman agad-agad nagpadala ng congratulatory messages kay Ate Charo at nangunguna rito si Dingdong Dantes.

May natapos na pelikula sina Dingdong at Ate Charo.

Eula, may napansin kay Euwenn!

Hindi ordinaryong bata ang tingin ng veteran actress na si Eula Valdes sa Kapuso child actor na si Euwenn Mikaell. Si Euwenn  ang itinuturing na child wonder ng kasalukuyang panahon.

Magkasama sina Eula at Euwenn sa mag-uumpisang serye sa Kapuso channel, ang Forever Young.

Aminado si Eula na matagal na niyang wish na makatrabaho ang multi-awarded child star na umani rin ng katakot-takot na papuri sa Netflix film na Lolo and the Kid kasama si Joel Torre. Ganundin sa pelikulang Firefly.

Napansin daw kasi ni Eula ang pagiging extraordinary ni Euwenn nang una silang mag-meet.  “Nag-iisip siya,” chika ng aktres sa ginanap na mediacon ng Forever Young.                            

Tuwang-tuwa nga raw siya tuwing nakakaeksena si Euwenn dahil sa likas na husay nito bagama’t napakabata nga. “Alam niya ang ginagawa niya. Parang pinanganak siya para mag-artista.

“May times na focused siya, may times din namang naglalaro siya, gusto nang umuwi. Hindi siya pangkaraniwang bata. Hindi siya bata,” na ikinatawa ng lahat sa presscon.

Hindi na bago o normal na lang nga ang reaksyon ni Euwenn sa sinabi ng mas senior co-star, madalas na raw kasi siyang sinasabihan ng ganito ng maraming tao.

Kaya’t nagpapasalamat siya na napapadali ang trabaho niya dahil aniya, “batikan po sila.”

Ginagampanan ni Euwenn sa Forever Young ang papel ng pinakabatang public servant na si Rambo Agapito.

Si Rambo ay isang 25-year-old na na-trap sa katawan ng isang sampung taong gulang na lalaki dahil sa medical condition na panhypopituitarism.

Bukod kay Eula, kasama rin ni Euwenn sa cast sina Michael De Mesa (Eduardo Malague), Alfred Vargas (Gregory Agapito), Nadine Samonte (Judy Ann Agapito), Rafael Rosell (Albert Vergara) at James Blanco (Rigor Peralta).

Ito ay nasa ilalim ng direksyon ni Gil Tejada Jr. kasama si Rechie del Carmen bilang associate director at mapapanood mula Lunes hanggang Biyernes, 4 p.m., simula October 21 sa GMA Afternoon Prime.