Dennis, tuloy na sa buhay ng serial killer

Tatlong award-winning actresses ang makakasama ni Dennis Trillo sa kanyang gagawin na series na Severino: The First Serial Killer. Ito ay sina Dolly de Leon, Chai Fonacier at  Meryll Soriano.

Si Yam Laranas ang magdidirek ng series. Kilala si Direk Yam sa mga pelikula niyang Sigaw, The Echo, Hibla, The Road, Aurora, Balahibong Pusa, Radyo, Patient X at Ikaw Lamang Hanggang Ngayon.

Sa Instagram account ni Dennis, pinost niya ang photos kasama niya sina Meryll, Chai, Dolly, and Direk Yam.

Ang Severino ay kuwento ni Juan Severino Mallari, isang pari na nakilala bilang “first serial killer in the Philippines.”

Bianca, ginulat ni Ruru

Nagulat si Bianca Umali noong mag-guest judge siya sa It’s Showtime na may “Kalokalike” ang kanyang boyfriend na si Ruru Madrid.

Sa naturang episode, napatawa ang Kapuso actress nang makita ang “kalokalike” ni Ruru na si Kevin.

“Binisita ko lang mahal ko. Ayoko siya maging malungkot kasi,” sabi ni Kevin kay Bianca, na game namang nakipagkulitan.

Tanong ni Bianca: “Bakit hindi ka nag-a-update?”

“Siyempre, gusto ko ma-surprise ‘yung mahal ko para makasama ka,” sagot ni Kevin.

Nagpakitang-gilas sa talent portion si Kevin sa pamamagitan ng action scenes ala-Black Rider at kinantahan din niya si Bianca na kinilig sa look-alike ni Ruru.

Brad at karelasyon, may hard launch

Naging red carpet official ang couple na sina Brad Pitt at Ines de Ramon nung sabay silang maglakad sa red carpet ng Venice Film Festival.

Ito ang first time na makita ang dalawa sa isang international film festival. Suot ni Ines ay draped, asymmetric Entire Studios gown and bedazzled box clutch. Si Brad ay suot ang black suit featuring a blazer with satin lapels by Louis Vuitton.

Kasama ng gorgeous couple ang mag-asawang George and Amal Clooney. Co-stars sina Brad at George sa pelikulang Wolfs na pinalabas sa naturang festival.