‘Til we meet again Mother Lily’

Hindi ko pa rin alam where to begin, Salve. Ang bigat talaga sa puso ko ang pagkamatay ni Mother Lily Monteverde noong Linggo ng madaling araw.

Naalala ko na siya ang kasama ko nang mag-down payment at pumili ng bahay ko sa Fairview na hanggang ngayon ay tinitirhan ko. Sa totoo lang pwede namang lumipat ako sa mas malapit na lugar pero hindi ko kayang iwan ang bahay na ito na kasama si Mother Lily nung bilhin ko.

Si Mother Lily din ang unang nagdala sa akin abroad kaya nga sinabi sa akin ni Douglas Quijano na pag may chance ako, pay forward ako sa ibang malalapit sa akin.

Totoo naging ugali ko rin na pag kaya ng budget talagang nagsasama ako ng friends abroad. Siguro kaya rin agad naging maganda ang resulta ng mga naging trabaho ko dahil din sa guidance ni Mother Lily.

Buong araw namin siya kasama nun. At kahit saan siya magpunta bitbit niya kami. More than half of my life, alalay, PA, kahit ano pa itawag mo sa akin nun basta sabit ako kay Mother Lily.

Nag-iisa lang si Mother Lily. Hindi mo siya puwedeng palitan. All the beautiful memories ng showbiz nandun siya.

Respeto, love, gratitude iyon lang ang puwede kong ibigay sa alaala niya sa buhay ko.

‘Till we meet again Mother Lily, basta take your peaceful break.

Time for you to take a rest. We will always pray for you.

We love you.