Juliana, ayaw pangunahan nina Goma at Lucy!

Si Cong. Richard Gomez mismo ang nagkumpirma na kinukuha nga si Juliana Gomez na maging co-host sa bagong programa ng TV5 hosted by Willie Revillame.

Naka-chika namin si Cong. Richard sa katatapos na 2024 Pina Festival ng Ormoc City na laging inaabangan ng Ormocanons.

“Gusto ni Willie. Hindi ko sinabi kay Juliana na, ‘Huwag.’ Hindi ko sinabi sa kanya na, ‘Sige.’ Sabi ko, ‘Meet with them and talk to them. Then, kung type mo at magustuhan mo…’

“It’s really up to her to decide kung ano ‘yung gusto niya,” umpisa ni Cong. Goma.

Tulad nga ni Mayor Lucy Torres, ayaw ring makialam o impluwensyahan ng daddy ni Juliana sa kanyang magiging decision.

“Tumawag si Willie sa akin. Tapos sabi ko, ‘Willie, sino ang contact person mo?’

“Tapos ‘yun, nag-meeting sila. So sabi ko, ‘It’s really up to you to decide. Ikaw ang bahala kung ano ang gusto mong gawin.’”

Papayag kaya si Juliana?

“Kung gusto niya, kaya niya ‘yun.”

“Wala pang sinasabi sa akin. At hindi ko pa rin tinatanong,” dagdag pa ng kongresistang aktor na walang pakialam sa mga namimintas sa kanyang long hair.

Basta, aniya susuportahan niya ang anak, kahit ano pang desisyon nito.

“Hindi nga. Sabi ko, ‘Bahala na kayong mag-usap kung ano ang mangyari sa inyo!’”

May isang girl kasing pinakikita sa teaser ng programa na naka-fencing at ang hula ng lahat si Juliana ‘yun.

Heart, mas wise na

Grabe ang creative effort ni Heart Evangelista sa kanyang Instagram Reel na wrap up video niya sa katatapos na Paris Fashion Week kung saan nag-share pa siya ng secret sa post na aniya mula raw sa kanyang “Pages From My Heart.”

“I am afraid you see too much

“Of something i have been hiding which is a bit...a bunch

“I am aware of my existence

“I am wise enough to know my strengths

“But even wiser to know some of my flaws

“I could be restless at night thinking if I had made up your mind

“I am aware I can’t be all that you want

“I am dumbfounded of all that I am not

“So please would you be so kind

“That sometimes you say I have lost my mind

“For I have showed you the very precious parts of my heart

“Which is never easy in this world I now believe made to tear us all apart .

“Sing for me once more before we say our goodbyes

“For we only live once so live to love

“Smile than cry

“Kindness still says hello not goodbye”

Almost two weeks ding nasa Paris si Heart kung saan nga inamin niya sa isang Instagram live session na sinubukan pa siyang isabotahe sa pagre-report sa account niya dahil sa isang outfit na medyo revealing.

Pero as of yesterday, naka-almost 410K likes na ang nasabing post ni Heart suot nga ang sinasabing revealing outfit na sa totoo lang ay classy naman talaga at hindi malaswa.

Kapuso stars, mag-iikot sa USA, Canada at Japan

Handang-handa na ang Sparkle GMA Artist Center para sa world tour ng kanilang mga alaga.

Yup, isa nga sa biggest offerings this 2024 ng talent arm ng GMA ang Sparkle World Tour upang maabot ang international audiences kasama ang management’s cream of the crop.

From August to September, Sparkle stars will fly around the USA, Canada, and Japan for a total of five shows.

Ang first show ay gaganapin sa Aug. 9, 2024, at the City National Grove of Anaheim, California. Sasabak dito ang Asia’s Limitless Star Julie Anne San Jose, Kapuso Total Heartthrob Rayver Cruz, Kapuso comedian Boobay, veteran actor and host Isko Moreno, and Asia’s Multimedia Star Alden Richards.

Ang first leg ng Sparkle Goes to USA tour is produced by Sparkle GMA Artist Center and Sky Beverly Hills, in partnership with GMA Pinoy TV. For tickets, please contact Sky Beverly Hills at (626) 383-9201.

Dahil one show isn’t enough, the same troop will drop by South San Francisco High School in San Francisco, California on Aug. 10, 2024, for another set of performances.

Ang second leg of the Sparkle Goes to USA tour is produced by Sparkle GMA Artist Center, and BLVCK Entertainment, in partnership with GMA Pinoy TV. For tickets, please head to eventbrite.com.

Noong nakaraang Abril, sinimulan ng Sparkle’s Best ang kauna-unahang world tour sa Land of the Maple Leaf. Kaya sa wakas, ang much-awaited part two is finally happening as Asia’s Multimedia and Kapuso comedian Boobay fly to Calgary, Canada for another show on Aug. 11, 2024, at the Southview Alliance Church.

Sunod na pupuntahan nina Alden at Boobay ang Bathurst St. and Wilson Ave. North York in Toronto, Canada on Aug. 17, 2024.

Magaganap na ang final show nila sa Tokyo, Japan on Sept. 1, 2024. Mapapanood dito TV’s New Action Hero Ruru Madrid, Sparkle’s Prime Gem Bianca Umali, Star of the New Gen Jillian Ward, Ken Chan, Rayver Cruz, and Julie Anne San Jose at Nerima City.