Junior actor, kumakapit sa raket

Personal na nagme-message ang isang junior actor na may hitsura naman, height at attractive ang pagiging moreno sa isang booking agent na nangangailangan ng donor o sponsor.

Ang magic ay, “Tito, kailangan po kita!”

Hudyat ang magic word para humanap ng donor/sponsor ang agent, huh!

Hindi pa masyadong sikat ang aktor kaya kinakapos pa rin! Lumalabas na siya sa series pero hindi pa talaga lead actor.

Kaya kahit sa patalim eh kumakapit ang taong gipit!

Geraldine Jennings, nakipaghalikan kay Jameson

Natapos na ng baguhang actress-singer na si Geraldine Jennings ang launching movie niyang Isla Babuyan.

Si Jameson Blake ang kapareha ni Geraldine at buong ningning na sinabi niyang meron silang kissing scene ng aktor.

“He’s very comfortable! Maayos siyang katrabaho. This will be shown on September! Maybe I will be doing movie once I’m back,” saad ni Geraldine sa group interview niya sa press.

Bukod sa acting, she’s into music. May songs ng dating singer na si Viktoria ang ire-revive niya at kakantahin ang sinulat ni Ogie Alcasid.

Pagdating sa ibang artista, gusto ni Geraldine na makatrabaho sina Kathryn Bernardo at Alden Richards.