Local films, nganga pa rin!

Kawawa naman ang local film na nakasabay sa opening day ng isang foreign film, huh!

Eh base sa may koneksyon sa cinema owners, super lakas sa takilya ng foreign movie! Pero wala kaming balitang nakuha pagdating sa kinita ng local film!

Ibig sabihin, naglalabas ng pera ang tao kapag gusto nilang panoorin ang isang pelikula. Pera nila ‘yon kaya may karapatan silang piliin ang gusto nilang panoorin!

Kaya huwag isisi sa mga sinehan kung mataas ang presyo ng tiket, huh! Mataas o hindi ang tiket, kung gustong panoorin, papasukin ng tao ang isang pelikula, local man o foreign!

Rhian, walang imik kahit pinagkaguluhan

Tahimik lang si Rhian Ramos sa pagsama niya sa boyfriend niyang si Sam Verzosa sa pag-iikot nila sa Maynila.

Pero palibhasa, kilala, hindi maiwasang dumugin siya kaya nang naganap sa aming simbahan.

Ipina-bless kasi si Sam sa parish priest namin sa Balic-Balic na si Fr. Benjie Ledesma ang donasyon niyang sasakyan para magamit ng mga barangay.

Eh dahil late dumating sa misa, nagkagulo pa rin ang mga tao na sinaway lang ng namamahala, huh!