‘Kailangan ng kaaway’

Talagang pag nagutom ako dalawang tao lang lagi ang pumapasok sa utak ko, sila Marivic Larrazabal at Rubby Cuyuito.

Pero dahil pinadalhan ako ng masarap na ensaymada at lasagna nila Lilibeth at Rica Maceda, pumapasok sila sa utak ko.

Kaloka talaga na lagi akong nagugutom at laging naghahanap ng pagkain.

Naku Ok na sa akin magutom huwag lang ako magkaroon ng brain fog na lagi kong nalilimutan mga bagay-bagay na nangyayari.

Talagang siguro sign na magiging ulyanin na ako, grabe.

Pero in fairness sharp naman ang memory ko pero may times na may nalilimutan ako. Kaya para magkaroon ako ng mental challenge kailangan meron akong kaaway, hah hah.

Pag quiet at nagbabait-baitan school of acting ako, parang masyadong kalmante ang loob ko at nagiging stagnant ang utak ko.

Kaya tuloy pag wala akong maaway sila Salve at Gorgy Rula na lang binubuwisit ko hah hah.

Talagang iba ang takbo ng utak ko kaya madalas akong pagalitan ni Bong Revilla at Christopher de Leon na parang bata dahil nga sa ugali ko.

Born naughty na talaga ako kaya alam ko na sobra lang akong mahal ng mga alaga ko kaya nagtagal sila sa akin.

Mas maligalig pa nga ako kesa sa kanila at sabi nga ni Tonton Gutierrez mas marami raw akong kaaway ngayon hah hah. Talagang sutil si Lolita Solis. 

Kaloka.

Pero ang importante talaga, lagi akong busog.