Sikat na aktres, na-trauma sa mood swings ng direktor!
Traumatic pala ang naging karanasan ng isang sikat na aktres na nagbibida sa TV at pelikula.
Magaling ang director pero may mood swings. Naging director ito ng aktres nung kasagsagan ng kasikatan ng director.
Pero nung gawin nila ng isang teleserye na adapted sa isang foreign series, natikman ng aktres ang bagsik ng director!
Eh sa isang eksenang ginawa ng aktres, hindi nagustuhan ng director ang acting niya. To think na award-winner din ang aktres, huh!
Sukat ba namang sabihan ng director ang aktres ng, “‘Yan lang ba ang kaya mo?” sigaw ng director sa aktres sabay dura sa mukha nito at talikod!
Napahiya ang aktres. Nalaman ito ng kanyang manager at sinugod ang director. Mabuti na lang at napayapa sila!
Pero pinagsabihan ng TV management ang aktres at nangako namang magtitimpi sa kanyang emosyon! ‘Yun nga lang, ‘pag pumupunta sa taping ang aktres, lagi raw siyang nanginginig at hindi tumitingin sa mata ng director, huh!
Sa ngayon, mabenta pa rin sa TV at movies si aktres pero si director, parang naglaho na parang bula!
Derrick at Elle, tumatag sa pisikalan
Kahit magtapos ang GMA afternoon series na Makiling, tuloy pa rin ang samahan ng mga bidang sina Derrick Monasterio at Elle Villanueva.
Mas lalong naging lumawak at matatag ang relasyon nina Elle at Derrick. Aba, hindi naman kasi biro ang hirap na dinanas nila physically at emotionally habang ginagawa ang series.
Kaya naman ang director ng series na si Rado Peru eh todo hanga sa mga artista niya kahit sobrang pisikalan ang nangyayari sa kanila sa bawat taping day!
Makakahalili ng Makiling sa timeslot ang Voltes V: Legacy.
- Latest
