Kaya ayaw madungisan ang pangalan... Jo, idolo ng mga bansot
Maingat si Jo Berry sa mga role na kanyang natatanggap ngayong itinuturing na niya ang sarili bilang role model ng mga people with dwarfism or mga Little People.
“Isa po ‘yun sa iniingatan ko lagi na ‘yung roles when it comes sa pagtanggap ko ng iba’t ibang klase ng character, hindi magiging masama or degrading for me and for them (people with dwarfism). Kailangan ‘yung reputation namin is always pinapangalagaan in a way na makikita nila na–siyempre, hindi naman tayo perfect, pero hangga’t maaari eh sana ‘yung makikita is magandang impluwensiya for us,” sey ni Jo na huling nagbida sa teleserye na Little Princess noong 2022.
Gumaganap ngayon si Jo bilang isang abogada sa Lilet Matias: Attorney-at-Law kasama sina Maricel Laxa, Jason Abalos, EA Guzman, Sheryl Cruz, Glenda Garcia at marami pang iba. Mapapanood ito sa Marso 4 sa GMA Afternoon Prime.
3 Pinoy, matindi ang laban sa drag den!
Napili na ng Drag Den Philippines ang kanilang Final 3 na sina Moi of Bacolod, Mrs. Tan of Laguna at Deja of Baguio City. Isa sa kanila ang tatanghalin na next Filipino Drag Supreme.
Nagsimulang mag-stream ang second season ng Drag Den Philippines noong Jan. 18, 2024 sa Amazon Prime Video.
Bukod sa top 3, pitong drag queens pa ang naging contestants ng naturang reality competition show. Ang mga na-eliminate ay sina Russia Fox, Feyvah Fatale, Margaux, Jean Vilogue, Elvira, Marlyn and Maria Lava.
Hosted by international Fil-American drag artist Manila Luzon with Nicole Cordoves and Sassa Gurl, ang mga naging guest judges ay sina Yeng Constantino, Bini, Alaska Thunderfuck, Megan Young, Alodia Gosiengfiao, Andrea Brillantes at Ms. Dolly de Leon.
Ang tatanghaling second Filipino Drag Supreme ay mag-uuwi ng crown and scepter and P1,000,000.
Vanessa Williams, may patikim sa Devil…
Si Vanessa Williams ang gaganap sa iconic role bilang Miranda Priestly sa London West End stage adaptation ng The Devil Wears Prada. Itatanghal ito on Oct. 24 at the Dominion Theatre in London.
Sa teaser trailer posted on Instagram, nagpatikim ang former Miss America ng kanyang pagiging editor-in-chief from hell: “Don’t just sit there. Buy tickets. Or something.”
Ayon pa sa Ugly Betty star: “Bringing Miranda Priestly to life in the West End is an absolute dream come true. Gird your loins, folks.”
The Devil Wears Prada is a new musical based on the hit 2006 film and bestselling 2003 novel. It features an original score by Olivier and Tony Award winner Elton John.
Si Meryl Streep ang gumanap na Miranda Priestley sa 2006 film version with Anne Hathaway, Emily Blunt and Stanley Tucci.
- Latest
