Euwenn, lumutang talaga sa Firefly

Napakahusay na child star ng bida ng Firefly ng GMA na si Euwenn Mikaell na talagang hinangaan ng lahat.

Bongga dahil maganda talaga ang istorya nito na heart tugging dahil nga sabi ni Jessica Soho story ito ng patuloy na pag-asa na lahat puwede mong lagpasan kahit ano pang problema.

Totoo iyan kaya naman maganda ang ipinaaabot na aral ng Firefly na dapat matutuhan nating lahat lalo sa panahong ito na para bang hindi na natin alam kung paano maaayos ang mga dumarating na problema.

Carla, tinawanan lang ang kababawan ng mga pintasera

Tawa ako nang tawa doon sa issue ng mga ipinagbibili na items ni Carla Abellana.

Iyon bang pinipintasan dahil hindi raw maayos at basta na lang binenta.

Hindi ba ganu’n naman talaga ‘pag 2nd hand ang gamit. Saka siguro naman totoo ring sinabi ni Carla, ‘yung bibili naman ang magdi-decide, gusto ba niya o ayaw niyang bilhin.

Kaya nakakatawa na nagiging issue pa ‘yung mga petty na bagay. Hindi importante pero siyempre dahil yata sa bored ang mga tao, lahat ginagawang issue.

Buti nga sinagot ni Carla Abellana, bongga.