Boyet, hindi apektado sa pagkalaglag sa MIFF Best Actor

Tinawanan lang daw ni Christopher de Leon ang pagdepensa sa kanya nang hindi man lang siya nabigyan ng acting nomination sa Manila International Film Festival sa Los Angeles.

Ayon ito sa manager ni Boyet na si Manay Lolit Solis nang matanong sa mediacon ng pasasalamat sa press ng another alaga na si Senator Bong Revilla, Jr. sa matagumpay na pagbabalik ng sitcom na Walang Matigas Na Pulis Sa Matinik Na Misis.

Ang production head  ng movie ni Yetbo na When I Met You In Tokyo na si Redgie Acuna Magno ang nagtatanong sa organizers sa non-nomination ni Boyet na bumiyahe nang mahabang oras para dumalo sa MIFF.

“Naku, knowing Boyet, hindi siya masyadong apektado sa issue. Worth it naman daw ang panalo nina Dingdong Dantes at Piolo Pascual kaya hindi big deal kay Christopher ang nangyari,” sabi pa ni Manay na na-scam pati date ng birthday niya na from May 20 eh naging February, huh! Ha! Ha! Ha!

Heart, emosyonal sa motherhood...

Handa na raw si Heart Evangelista na maging ina!

Naiyak kasi si Heart nang matanong ni Boy Abunda sa dinaluhan nilang event tungkol sa motherhood. Hindi man nagdetalye, alam ni Boy ang dahilan ng pagtulo ng luha niya.

“It makes sense now,” sabi ni Heart na after her miscarriage eh kaya na niyang maging ina lalo na’t malaking tulong ang pagiging stepmom niya sa kambal ng asawang si Senator Chiz Escudero.