Allan, matagal nagpigil ng gigil
![Allan, matagal nagpigil ng gigil  Â](https://media.philstar.com/photos/2023/12/10/allan_2023-12-10_00-03-01.jpg)
Five months na raw gigil na gigil si Allan K na isigaw sa buong mundo ang linyang “Eat Bulaga” dahil five months na raw nilang isinisigaw ang E.A.T. na hindi nga nila nakasanayan. Ayon pa kay Allan K, iyon daw ang gusto nilang isigaw dahil iyon ang nakasanayan na nila.
“Ako personally 28 years ko na itong isinisigaw kaya gigil na gigil na ako talagang isigaw ito. Iyon kasi ang gustong isigaw rin ng audience.”
Natanong si Allan ng reaksyon niya nang mag-guest si Alden Richards sa It’s Showtime?
Nagkaroon ba ng lamat ang friendship nila? “Wala namang magagawa si Alden, trabaho ‘yun dahil nagpu-promote ng movie nila ni Sharon (Cuneta), sa festival. At alam ko hindi rin naman siya papayagan mag-promote dito sa amin, kasi TV5 nga ito! Pero magkaibigan pa rin kami ni Alden, at hindi na mababago iyon. In-invite nga niya akong manood ng premiere night ng movie nila ni Shawie, sumagot ako pero may nangyari ng gabing iyon na hindi maiwasan kaya hindi ako nakapunta. Pero noon ay nanood ako ng movie nila ni Julia Montes, ang Five Breakups and a Romance.”
- Latest