Angelu, dalawa na ang napagtapos

Actress-politician Angelu de Leon is a proud mom to her three children na sina Nicole,  Loise at Rafa. Si Nicole ay anak niya sa actor na si Joko Diaz, si Loise sa businessman na si Jojo Manlongat habang si Rafa naman ay sa kanyang husband na si Wowie Rivera. Sa tatlong anak, pareho nang tapos sa kanilang pag-aaral sa Ateneo de Manila University sina Nicole at Loise na grumadweyt na cum laude at ang bunso, her only boy ay siya na lamang ang natitirang nag-aaral.

Thankful si Angelu sa kanyang husband na si Wowie na siyang tumatayong father figure ng kanyang dalawang anak na babae na mataas ang respeto sa kanilang step-dad.

Since pareho nang nasa tamang edad sina Nicole at Loise ay hinahayaan na rin niya ang mga ito na makipag-communicate sa kanilang biological fathers.

Hitmakers, may kakaibang gagawin sa concert

Ang ika-22nd anniversary concert ng Hitmakers na binubuo ng mga music icons and individual successful solo performers na sina Hajji Alejandro, Nonoy Zuniga, Rey Valera at Marco Sison na pinamagatang XXceptional ay nakatakdang ganapin sa The Theater at Solaire sa darating na Dec. 1, 2023 aat 8 p.m. with Pops Fernandez at special guest performer and  jointly produced ng DSL Productions ng Concert Queen-turned concert producer na si Pops at ng Dreamwings ng limang business partners na pinamumunuan ng successful businesswoman na si Flor Santos, ina ng singer-actor na si LA Santos.

Bukod sa kanilang individual classic hit songs, punum-puno rin ng katatawanan ang XXceptional concert ng Hitmakers na kakaiba ang presentation kumpara sa mga nauna na nilang concerts bilang grupo. Magbibigay rin sila ng tribute sa kanilang dating kasamahan sa grupo, ang namayapang si Rico J. Puno na siyang dahilan kung bakit nabuo ang Hitmakers back in 2003.