Sef, magiging tatay na!

Inilantad ng Kapuso actor na si Sef Cadayona na magiging tatay na pala na siya. In-announce niya sa kanyang social media account na magkakaanak na sila ng non-showbiz partner na si Nelan Vivero.

Kamakailan ay ibinahagi rin ng aktor na engaged na sila ng fiancee na si Nelan at ngayon nga ay may good news na naman siya.

In-announce niya ito sa pamamagitan ng pagpapakita ng ultrasound sa isang reel.

Caption niya sa kanyang post, “Our Baby Lemoine.”

Halatang sabik na ang Sparkle star sa kanilang paparating na baby Lemoine.

Kaya naman sunud-sunod ang pagbati mula sa kanyang mga kaibigan at tagahanga.

Siguradong mas gaganahan itong magtrabaho ngayong magiging tatlo na sila.

Inaabangan na rin ng fans ang kasal ng Love Before Sunrise star at ng magiging misis nito na si Nelan. Bongga.