Katawan ni Ashley, chinachaka ng netizens
Natatawa na lang daw si Ashley Ortega sa pamba-bash ng netizens sa kanyang katawan.
Pinuna nga raw na flat-chested ito at ang lakas daw ng loob na mag-bikini at i-post sa social media kahit hindi raw siya sexy.
Hindi na lang daw iniintindi ng bida ng GMA teleserye na Hearts On Ice ang mga body shamers dahil confident siya sa kanyang katawan. “You feel sexy in your own way. Hindi na dapat natin pinapakinggan pa kung ano mang judgment ng ibang tao,” sey pa ni Ashley.
Ilang beses na raw nagpo-post si Ashley na naka-bikini siya sa social media at puro positive ang feedbacks na natatanggap niya. Ngayon lang daw siya nakatanggap ng pang-ookray noong magbida na siya sa teleserye.
Adopted son ni Angelina Jolie, panay ang display ng ABS
Namataan si Angelina Jolie kasama ang adopted son na si Pax Jolie-Pitt sa Los Angeles kamakailan. Young adult na si Pax at kasalukuyang nag-aaral sa isang university sa California.a
Marami ang nagulat na 19 years old na ang dating two day old na baby na inampon ni Angelina mula sa isang orphanage sa Vietnam in 2003. Proud pa ngang i-display ni Pax ang kanyang well-toned abs tulad ng kanyang adoptive father na si Brad Pitt.
Independent ang buhay niya sa California at paminsan-minsan ay binibisita siya ni Angelina.
May sariling apartment si Pax na siya ang naglilinis at naggo-grocery. Kasama raw niya sa kanyang apartment ay ang kanyang pet dog.
Nagtatrabaho paminsan-minsan bilang assistant director si Pax kay Angelina.
Una siyang naging assistant director sa 2017 film na First They Killed My Father. Last year, nag-assist ulit siya kay Angelina sa pelikulang Without Blood.
Sumasama rin siya sa ilang red carpet events ni Angelina kasama ang kanyang mga kapatid na sina Maddox, Sahara, Shiloh, Vivienne at Knox.
- Latest
