Sam, iniisip nang pakasalan si Catriona   

Ang gwapo ni Sam Milby kahapon sa grand launch niya bilang Ambassador ng Beautéderm Health Boosters Effervescent Tablets. He looked so fresh at mukha ring happy siya talaga ngayon especially sa kanyang love life with Catriona Gray.

Kitang-kita rin naman sa tuwing babanggitin ni Sam si Cat na talagang napakaayos at napaka-smooth ng relasyon nila ngayon. He’s very proud na nominated ang girlfriend sa Asian Television Awards as Best Host para sa Top Class: The Rise to P-Pop Stardom. At bukod pa nga sa nominado ito ay ito pa rin ang magiging host ng awards night na gaganapin sa Singapore.

“I’m so proud of her, I’m so happy for her, she definitely deserves it, that’s where… and the many things that she does, (she) shines. It’s one thing that she’s very comfortable with,” ani Sam.

Puring-puri nga ng aktor/singer ang girlfriend sa pagho-host. Aniya, “she has it, she’s very natural at hosting, and she deserves it. I’m sure it’s going to be one of many. It’s funny because she’s actually hosting that event at the same time. She’s nominated and she’s hosting that event. So, I’m very proud of her and I’m very happy for her.”

Natanong nga rin si Sam kung kailan ba magaganap ang much-awaited proposal niya kay Catriona at napangiti ang aktor.

“Siyempe, hintayin n’yo lang, masu-surprise rin kayo,” aniya.

Ang weird naman daw na sabihin niya kung kelan ang plano dahil hindi na nga naman ito surprise kung ire-reveal niya kaya abangan na lang daw.

“I’m not getting any younger also, siyempre. I’m turning 39 next year,” natatawa niyang sabi.

When asked kung si Catriona na ba ang ‘the one’ for her, sagot ni Sam, “I do believe so. I do.”

Ang Beautéderm Health Boosters Effervescent Tablets ay ang bagong line na sa ilalim ng REIKO at KENZEN at kinabibilangan ng tatlong bagong produkto na developed at manufactured sa Japan, ang Reiko ShiroSan na isang first grade dietary supplement, Kenzen YasaiDes na isang dietary superfood supplement na mayroong Vitamin E at tomato extract at ang Kenzen MizuPlus, isa ring dietary supplement mayroong Green Tea extract at magnesium.

“I am honored and grateful now that I am finally a part of Beautéderm’s amazing family,” sabi ni Sam. “Through the years, I learned the importance of maintaining a healthy lifestyle because of the challenging lifestyle that I have as an actor which could affect the wellbeing of both my mind and body. Kailangan kong siguraduhin na I’m always in the best physical condition through regular exercise and the right diet coupled with the right amount of sleep. Perfect na partner para sa akin ang Beautéderm Health Boosters Effervescent Tablets para masiguro ko na lagi akong healthy at fully charged all the time.”

Sinasalubong naman ng Beautéderm President and CEO na si Rhea Anicoche-Tan si Sam with open arms dahil para sa kanya, and actor ang best choice upang kumatawan sa pinakabagong mga produkto sa ilalim ng Beautéderm Health Boosters.

“The line-up of Beautéderm’s A-list brand ambassadors could never be complete without Sam. I have always admired his body of work at happy na ma-discover na agn saya at ang gaan pala niyang katrabaho,” ayon kay Rhea. “Dapat gayahin ang lifestyle ni Sam dahil sa kanyang disiplina at professionalism. He lives a balanced and healthy life which makes him the perfect artist to represent Beautéderm Health Boosters Effervescent Tablets.”

Korina at Karen, pinag-usapan ang naging away

Sa isang bihirang pagkakataon, magsasama sa iisang TV screen ang dalawa sa pinakamatagumpay na kababaihan sa media industry. Ang multi-awarded broadcast journalist na si Karen Davila ang susunod na panauhin ni Korina Sanchez sa kanyang pinakabagong palabas, ang Korina Interviews.

Ang dalawa ay kabilang sa mga pinagkakatiwalaang tagapaghatid-balita sa bansa.

Nakilala ang dalawa dahil sa kanilang dedikasyon, pagsusumikap at malawak na karanasan sa paghahatid ng serbisyo publiko.

Sa teaser ng Korina Interviews, makikita ang masayang kwentuhan ng dalawa. Pero hindi pa rin nagpahuli ang dalawa sa kanilang ‘straightforward’ na mga pahayag at tanong.

Sinabi pa ni Karen na takot siya kay Korina noon samantalang tinanong naman ng huli ang una ng “Bakit sa palagay mo, pinag-aaway tayo?” Alamin ang sagot ni Karen ngayong Linggo, Oct. 30, alas singko ng hapon sa NET25.