TV host, no sex noon ‘pag Semana Santa

Naaalala namin tuwing Mahal na Araw ang tradisyon ng isang kilalang male TV host ng 40 days. Nagsisimula ang 40 days ng Semana Santa ‘pag sumasapit ang Ash Wednesday.

Ang tradisyon ng host, huwag makipag-sex. Pati nga raw self sex ay hindi niya ginagawa at todo tiis siya para hindi masira ang tradisyon.

Fast forward ngayon. May asawa na ang TV host. Ginagawa pa rin kaya niya ang “tradisyon” niyang ‘yon? Matanong nga! Ha! Ha! Ha!

Youlol, naka-1M na

Umabot na sa isang milyon ang subscribers sa YouTube YouLOL channel ng GMA Network, huh!

Ang YouLOL ang official comedy channel ng Kapuso network. Magkakaroon na ito ng gold play button bilang reward sa achievement.

Mapapanood sa YouLOL ang lahat ng comedy shows ng GMA at top shows gaya ng Pepito Manaloto, Bubble Gang, Dear Uge, Pepito Manaloto: Ang Unang Kuwento at The Boobay and Tekla Show.

Classic movies, palabas sa Mahal na Araw

Mapapanood muli ang classic religious movies ngayong Holy Week sa GMA simula bukas, Holy Thursday, Good Friday at Black Saturday.

Balikang muli ang classics na The Ten Commandments, Ben Hur, Spartacus at Hercules. Isa rin sa offerings ay ang trilogy ng epic adventure na Lord of the Rings.

Of course, may Tagalog movies din at ang handog ng GMA ay ang Star Cinema movies na Alone/Together nina Enrique Gil at Liza Soberano at Miss Granny ni Sarah Geronimo.

Siyempre pa, nariyan din ang live coverage ng Siete Palabras sa Good Friday at iba pang specials na akmang-akma ngayong Mahal na Araw.