Babajie namatay sa malnutrition at TB!
Apektado ang Italyanong si Ciro Tarallo sa pagpanaw ng komedyanteng si Babajie. Naging bit player sa Bubble Gang si Babajie o Alfredo Cornejo sa totoong buhay dahil naging personal assistant siya ni Diego (Lorico) na writer at isa sa mainstays ng Kapuso gag show.
Katawa-tawa man ang hitsura ni Babajie, naging on-line sensation siya nang i-post ang sweet photos nila ni Ciro. Inakala ng netizens na dyowa ng komedyante ang Italyano.
Eh na-feature pa silang dalawa sa Kapuso Mo, Jessica Soho, kaya inggit much ang mga bading at kababaihan kay Babajie.
Pero walang relasyon ang dalawa.
Sa Facebook page ni Ciro, inihayag niya ang lungkot sa pagnanaw ng kaibigan. “Goodbyes are not forever. Goodbyes are not the end. They simply mean I’ll miss you until we meet again.”
Ayon sa ina ni Babajie, tuberculosis at malnutrition ang ikinamatay ng anak last May 4 at hindi COVID-19.
Samantala, nakikiramay ang Pang Masa (PM) sa pagpanaw ng father ni Rams David, President ng Triple AAA na manager nina Marian Rivera, Maine Medoza, Kisses Delavin at iba pa. (Deepest sympathy ateng. - Salve)
- Latest
