Pauline, two months na ang relasyon sa pinakabatang mayor sa Pilipinas

Kinumpirma ng Kapuso artist na si Pauline Mendoza na boyfriend niya ang tinaguriang youngest mayor ngayon, si Mayor Bryan Celeste ng Alaminos City, Pangasinan. “Oo, once and for all, ladies and gentleman,” saad ni Pauline sa Skype interview ng gmanetwork.com.

Sa IG posts ni Pauline, ibinahagi niya ang pag-distribute ng mayor ng relief goods sa mga kababayan.“Good job Mayor Arth Bryan Celeste. Bonus na lang na pogi sya.”

Two months pa lang ang relasyon nila at nagkakilala through common friends sa Beautederm kung saan isa si Pauline sa ambassadors.

Napapanood ngayon si Pauline sa rerun ng Kambal, Karibal.

Netizens hinahanap si Andrea 

Naintriga ang netizens sa mga nakaraang post ni Derek Ramsay dahil hindi nila nakikita ang litrato ng girlfriend na si Andrea Torres.

Mas madalas kasing maglabas ni Derek sa Instagram ng pictures kasama ang pamilya niya. Miss na miss na rin kasi ng Kapuso hunk ang family niya dahil sa enhanced community quarantine.

Komento ng isang netizen (ethylamordizon), “I don’t see photos of you and andrea or you and her posting about each other. I hope everything is ok. Take care po.” Sagot ni Derek, “We are great.”

Eh may isang netizen pa na nagtanong kung ayos lang sila ng GF dahil sa post ng aktor eh walang comments si Andrea.  Diin ni Derek, “We are great dear.”