Misa sa Baclaran,live sa KMJS

Ngayong Mahal na Araw, ihahatid ng Kapuso Mo, Jessica Soho sa Facebook page nito ang live na misa.

Live na mapapanood ang misa sa Baclaran church.

Sinimulan ang misa sa FB page last Palm Sunday at magtutuluy-tuloy itong gagawin ngayong Holy Week.

Malaking tulong ito sa mga Katolikong Pinoy na na isapuso ang Mahal na Araw kahit may Enhanced Community Quaranatine na extended na hanggang April 30, 2020.

Howie Severino, gusting mabawasan ang stigma ng COVID

Lumantad na ang GMA News documentarist na si Howie Severeno na tinamaan siya ng COVID-19 at naospital.

Ligtas na si Howie sa virus at isa siya sa matapang na biktima na lumantad. Ayon pa sa kanya nang makausap nina Arnold Clavio at Ali Sotto kahapon sa programa nila sa DZBB, nagbilin siya sa asawa kung sino ang tutulungan pa. “Dapat maging handa sa ganitong sitwasyon,” saad pa niya.

Ngayong isa si Howie sa masuwerteng gumaling sa pandemic, may responsibilidad na raw siya gaya ng ilang survivors na ibahagi ang kanyang karasanasan nang sa gayun ay mabawasan ang takot at stigma na dala ng virus.