Kendall Jenner nag-viral ang nude pictorial!

Nag-viral sa social media ang pag-pose ng nude ng reality star at supermodel na si Kendall Jenner para sa fashion photographer na si Mert Atlas.

Ang nude photo shoot ng 23-year old Kardashian ay para sa isang special project na hindi pa nila puwedeng i-reveal.

Sa Instagram account ni Atlas ay pinost niya ang dalawang black and white images ni Kendall na hubo’t hubad, pero tinakpan ng black stripe ang mga masese­lang bahagi.

Pinost din ni Kendall ang mga nude photos niya sa sarili niyang IG account at nagustuhan ito ng kanyang inang si Kris Jenner, ng kanyang half-sister na si Khloe Kardashian at ng kaibigan na si Hailey Bieber.

Phil Younghusband at napangasawa parang fairytale ang kasal

Goodbye na sa kanyang pagiging bachelor ang Fil-British football player na si Phil Younghusband dahil kinasal na ito noong nakaraang July 21 sa kanyang Fil-Spanish fiancée na si Margaret Hall.

Parang isang fairytale wedding ang ginanap dahil ang venue ng kanilang kasal ay sa isang malaking estate sa Canterbury, United Kingdom.

Makikita ang malaking mansion na may malaking garden with matching guards pa habang naglalakad ang bride and groom na para silang mga prinsipe at prinsesa.

Pinost ng Nice Print Photography sa kanilang Instagram account ang ilang photos ng wedding nila Phil at Mags.

Noong December 2017 pa na-engage sina Phil at Mags. Una silang nag-date ay noong 2015.

Sumikat si Phil, kasama ang kapatid nitong si James, sa Pilipinas noong 2006 dahil sa paglaro nila kasama ang Azkals, ang national foolball team ng bansa.

Ex-girlfriend ni Phil ang aktres na si Angel Locsin na ikakasal na rin sa fiancé nitong si Neil Arce.

Regine, Kapuso na rin

Kapuso na rin ang dating Kapamilya actress na si Regine Angeles.

Si Regine ang naging winner ng Be Bench Model Search noong 2007. Kasama niyang nanalo rito ay si Carl Guevarra.

Unang GMA teleserye na lumabas si Regine ay ang Dragon Lady at ngayon ay kasama siya sa episode ng Wagas na Throwback Pag-ibig kung saan makakasama niya nina Sunshine Dizon at Mike Tan.

Huling teleserye ni Regine sa ABS-CBN ay The Greatest Love noong 2016 bago siya nabuntis at isilang ang first baby nila ng mister niyang si Van Victor Leaño na si Alesso.