3 pelikulang Tagalog hinihintay pang umingay

Walang masyadong balita kung anong naging kapalaran ng tatlong pelikulang nagbukas sa mga sinehan kahapon – ang Ulan nina Nadine Lustre and Carlo Aquino; Kuya Wes starring Ogie Alcasid and Ina Raymundo and Neo Manila ni Direk Mikhael Red.

Kailangan pa siguro ng word of mouth para mas umingay pa ang mga ito. Ang ganda ng Ulan. Kakaibang Nadine ang napanood dito.

Saka sayang dahil parehong Graded A ng Cinema Evaluation Board ang Ulan at Kuya Wes at nag-ikot na naman sa ibang international film festival ang Neo Manila.

Nakalaban ng tatlong pelikula sa takilya ang Captain Marvel na talaga namang matindi ang following.

Dara nag-trending ang pagra-rap

Trending kahapon si Dara (Sandara Park).

Ito ay matapos lumabas ang music video ng 2NE1 (Park Bom and Dara) kahapon na may pa-hashtag na #OurSpringParkBom.

Sikat pa rin talaga si Sandara at para siyang si Heart Evangelista na madalas invited sa mga fashion week sa Europe.

Two years na pala since maghiwa-hiwalay ang 2NE1 kaya talagang nasabik ang fans.

At ang ikinagulat ng fans, ang mahusay na pagra-rap ni Dara.