Justin na-TL kay Hailey!

Sorry na lang sa fans nina Selena Gomez at Justin Bieber dahil napakalabo na ng posibilidad na magkabalikan sila.

Ang Instagram post ni Justin ang ebidensya na in love na in love siya kay Hailey Baldwin, ang model na pinili niya para makasama forever and ever.

Isang buwan pa lang ang relasyon ng dalawa pero true love ang tumama kay Justin na agad na nag-propose ng kasal sa anak ng Hollywood actor na si Stephen Baldwin.

Dahil international superstar si Justin, hindi niya nailihim ang engagement nila ni Hailey noong Sabado dahil mabilis na kumalat ang balita.

Ito ang emote ni Justin tungkol sa kanyang bride-to-be na kinaiinggitan ng selosang fans ng singer.

“Was gonna wait a while to say anything but word travels fast, listen plain and simple Hailey I am soooo in love with everything about you! So committed to spending my life getting to know every single part of you loving you patiently and kindly.

“I promise to lead our family with honor and integrity letting Jesus through his Holy Spirit guide us in everything we do and every decision we make. My heart is COMPLETELY and FULLY YOURS and I will ALWAYS put you first! You are the love of my life Hailey Baldwin and I wouldn’t want to spend it with anybody else.

“You make me so much better and we compliment each other so well!! Can’t wait for the best season of life yet!.”

Victor ni Alden pahulaan pa ang oras

Lumipad na kahapon sa Japan ang staff ng Victor Magtanggol dahil doon ang taping nila para sa ilang mga eksena ng coming soon primetime teleserye ni Alden Richards sa GMA 7.

Hindi na puwedeng i-delay ang taping ng Victor Magtanggol sa Japan dahil malapit na ang airing ng kanilang action telefantasya na pahulaan pa rin ang timeslot.

Yasmien pinarangalan para sa advocaserye

Personal na nagpasalamat si Yasmien Kurdi sa Philippine Catholic HIV-AIDS Network ng Diocese of Antipolo dahil sa plaque of recognition na ipinagkaloob sa advocaserye ng GMA 7 na pinagbibidahan niya, ang Hindi Ko Kayang Iwan Ka.

Tinanggap ni Yasmien, kasama ang kanyang co-stars na sina Jackie Rice at Martin del Rosario ang parangal sa Walk the Talk: Stop the Stigma, Stop HIV event na ginanap sa Marikina Sports Center noong Linggo, July 8.

Binigyan ng plaque of appreciation ang afternoon drama series ng Kapuso Network dahil sa mga kontribusyon nito para lalong magkaroon ng sapat na kaalaman ang mga Pilipino tungkol sa HIV at AIDS.

Walang ipinagkaiba ang Hindi Ko Kayang Iwan Ka sa primetime teleserye na Kambal Karibal na maraming beses na nabigyan ng extension dahil sa mataas na rating ng programa.

Siyempre, grateful, thankful at maligayang-maligaya si Yasmien, ang cast at ang production staff ng Hindi Ko Kayang Iwan Ka dahil sa mainit na pagtanggap at patuloy na pagtangkilik ng televiewers sa show nila.