Ella ang lakas maka-K pop sa bagong single
![Ella ang lakas maka-K pop sa bagong single](https://media.philstar.com/images/articles/julian-ella_2018-06-21_23-40-42.jpg)
Hindi lang pala sa sayawan may ibubuga si Ella Cruz, mahusay din pala itong singer. Nagpakitang gilas si Ella sa pagkanta sa single nitong Sabi na sa ‘Yo Eh na release ng Viva Records.
Ang ganda ng kanta na pang millennials talaga, kinikilig ang fans sa official video nito kasama si Julian Trono.
Pang #hashtag relatable sa marami ang kanta na swak sa cute nilang kuwento sa music video na parehong nakaka-K-pop at J-pop pati sa suot ni Ella na Korean skirt. May pagkahawig din ang tunog ng single sa 2NE1 song.
Simple lang ng kanta pati na ang concept ng music video, pero in fairness kay Ella ay nakaka-LSS ang catchy single nito na kilig-kiligan ang goals kaya malakas ang hatak sa kanyang fans.
Ngayon naman ay patutunayan ni Ella ang kanyang talent sa aktingan. Oh ‘di ba, hindi na mapigilan ang level up na career ni Ella na busy naman para sa promotion ng kanyang pelikulang Cry No Fear na isang action suspense thriller film sa direksiyon ni Richard Somes na showing na sa mga sinehan.
- Latest