#DietPAMore Sharon gustong maging underweight!

Ayon kay Sharon Cuneta, hindi pa raw niya nakukuha ang target weight niya at kailangan pa niyang mag-lose ng mga 20 lbs.

Bagama’t kapansin-pansin na rin na malaki na rin ang nabawas sa kanyang timbang, aniya ay mas gusto pa raw niyang pumayat pa.

“Siguro, mga 20 (lbs) pa. I wanna be a little underweight for the screen,” pahayag ni Megastar in a group interview kamakailan.

Marami nga raw ang nagtatanong sa kanya kung paano pumayat pero sa kaso niya, talaga raw kailangang mag-kontrol ka lang sa pagkain.

“You know what, kahit anon’g gawin mo, magpa-lipo ka, kung ano-anong gawin mo, kahit itakin mo ‘yung taba mo, itakin mo ‘yung bilbil mo, the whole point of it is, hindi mawawala or hindi mame-maintain unless talaga you control your eating.

“And once I accepted that, it’s really a lifestyle change. But you don’t have to stop eating certain foods. When I say eat, eat. Not lamon. I found it out,” natatawang sabi ni Shawie.

Mahigit isang taon na rin daw siyang nagpapapayat at aminado siyang medyo mabagal ang pagpayat niya simply because hindi rin niya minadali.

“It’s been over a year now, so talagang mabagal. Kung nagmadali ako, siguro, naka-hundred something pounds na ako. As it is, remember, parang napako sa 65 or something ‘yung loss ko, eh, all in all. So, that’s not really fast,” kwento pa ni Mega.

May time rin daw na nag-relax siya sa pagda-diet dahil pagod na pagod na siya at nauumay na siya sa diyeta. Paminsan-minsan ay pinagbibigyan din naman daw niya ang sarili.

Singer na si LA Santos walang bakas na autistic

Isa sa highlights ng Kings and Queens of OPM concert presscon na ginanap last Sunday ay ang inspiring story ng singer na si LA Santos na actually ay na-feature na sa Rated K ni Korina Sanchez.

Si LA ang guest/front act ng anim na OPM icons na sina Hajji Alejandro, Rico J. Puno, Marco Sison, Claire dela Fuente, Eva Eugenio and Imelda Papin sa nasabing concert na gaganapin sa April 29 at the Newport Performing Arts Theater in Resorts World Manila.

Dahil kaibigan ni Claire ang mommy ni LA, ikinuwento ng tinaguriang Karen Carpenter of the Philippines ang naging journey ni LA na talagang namang amazing and unbelievable.

“LA has a very fascinating story. Ang totoo po niyan, ang story po ni LA, he’s a ADHD (Attention Deficit Hyperactivity Disorder). He was born with ADHD, and sobrang hirap ng mother niya.

“It was because of the mother’s love, naka-recover siya and was declared out of that when he was 14 years old (LA is 19 now). ‘Yung first stage of autism niya ay declared na wala na when he was 14.

“Pinaghirapan talaga ng nanay niya ‘yan, wala kang makitang trace of autism na sa kanya at this time,” kwento ni Claire.

Naroon nga rin si LA sa presscon at talagang hindi mo naman talaga masasabing dati siyang autistic child dahil normal na normal na kumilos at sumagot.

Natanong ang ina ni LA na si Mommy Flor na isa ring doktor, kung paano ba ang ginawa niya at gumaling ang anak niya, aniya ay pagmamahal daw talaga – continuous na pagmamahal at continuous na hindi pagsuko para hindi na bumalik ang sakit.

“Saka you have to make him busy, the music made him so busy. Na after his school, para hindi niya maisip kung ano ‘yung nararamdaman ng isang may ganun’g stage, after his school, 4:00, pinipilit ko siya na kumanta, pinipilit ko siya na mag-basketball like his brother, pinipilit ko siya na mag-modeling like his sister, para lang busy siya.

“Kasi pag wala po siyang gagawin, there will be tendency (na bumalik ang sakit). So you really have to do something. Kung ano po ‘yung gusto ng bata,” pahayag ni Mommy Flor na talaga namang pinalakpakan.