Mga nanay pumalag sa halikan nina James at Nadine

MANILA, Philippines – Marami ang nagtataka, paano raw nakalusot ang kissing scene nina James Reid at Nadine Lustre sa serye nilang Till I Met You? May nagtatanong din, dati raw bang bold director ‘yung nagturo kung paano maghalikan sa harap ng camera?

Hindi naman gagawa ng ganun ka-daring na halikan kung hindi sa kagustuhan ng nagdidirek. Sabi ng mga nanay na nakausap namin, may mga batang nanonood ng serye nina James at Nadine at baka raw gayahin ng mga bagets ang ganoong klaseng paghahalikan.

Dati nga ni hindi nagpapahawak ng kamay si Nadine tapos ngayon sa lips ay parang okey na okey lang sa kanya na magpahalik.

Maraming nanay ang naglilipat ng istasyon ‘pag alam na maghahalikan na ang dalawang paborito ng ABS-CBN.

Baliuag may land mark na

Hindi na maliligaw ang mga artistang maiimbitang mag-motorcade sa Baliuag, Bulacan dahil nagpatayo na ng land mark sa Poblacion ang bagong mayor na si Ferdie Estrella.

May malaking pangalan ng Baliuag na itinayo sa may tabi ng simbahan na kahit bumagyo ay hindi kayang gibain ng hangin. Sa mga naupong mayor ng Baliuag, si Mayor Ferdie lang ang nakaisip ng bagay na ito. Hinahangaan siya ng mga kababayan. May mga mall na rin sa Baliuag pero hindi kayang talunin ang Baliuag market dahil mura ang mga bilihin.

Bukol ni Derrick mas may isyu kesa sa kanyang acting

Parang history repeat itself lang kahit sa showbiz. Sino ba ang mag-aakalang kahit panahon ng mga bagets, lumulutang pa rin ang bold para lang panoorin at mapag-usapan ang isang artista sa pelikula?

Sino ba ang makakapagsabi na para lang mapag-usapan sina Dennis Trillo at Derrick Monasterio, ang kanilang ‘bukol’ ang laging topic na nababasa sa mga diyaryo.?Sa halip na galing sa pag-arte ay bukol ang pinapansin nila  at ito ay ayon sa mga nagtatakang obserbasyon ng ilang tagahanga. At maging sina Nadine Lustre at James Reid ay romansahan ang pinag-uusapan sa kanilang teleserye at pelikula?

Sa kabila ng mga kinikita nila sa takilya ay gusto pang madagdagan ang mga pakulo ng mga may hawak ng promo. Saan na kaya patungo ang daigdig ng pelikula?

AiAi tahimik lang ang pagtulong

Maganda ang takbo ng showbiz career ni AiAi Delas Alas. Magaganda rin ang istorya ng kanyang ginagampanan. No wonder sunud-sunod ang mga biyaya niyang nakakamit dahil sa kanyang dalisay na pagtulong sa kapwa.

Hindi siya kagaya ng ibang artistang tumutulong na nagpapatawag pa ng presson at nagpapa-pictorial  na inaabot ang tsekeng naibigay.

May mga scholar palang pinag-aaral si AiAi bukod sa pagsagip kay Jiro Manio at wala siyang hinihintay na kapalit.