Ihi raw kasi nang ihi Mark Anthony sa selda ng mga babae ipinasok
Lagot ang dalawang police women sa Station 6 ng Angeles City, Pampanga. Lumabas sa social ang media nilang nagpakuha ng picture kasama si Mark Anthony Fernandez, huh!
Post ng isang netizen, “Nag-drugs. Naaaresto. Nagpa-picture.”
Base sa news reports kahapon, sa halip na lalaki ang kasama sa kulungan, inihiwalay si Mark sa kanila. Sa selda ng mga babaeng naaresto siya pinasok pero tanging siya lang mag-isa doon. Wala raw special treatment kay Mark dahil palagi raw kasing umiihi ang aktor eh may comfort room doon sa selda ng mga babae.
Palibhasa nagkakaedad na guwapo pa rin, hayun at nakalimot sa sarili ang police women na protector sila at hindi fan, huh! May hitsura pa naman ‘yung babaeng pulis.
Komo sikat na artista, pati mga lumang balita tungkol kay Mark ay kinakatas ng TV, radio at dyaryo, huh!
Anyway, after ng anak na si Grae at half brothers na sina Ralph at Renz, ang tiyuhin na si Robin Padilla ang nagbigay ng mensahe kay Mark na lumabas sa pep.com.ph, “Salamat at buhay ka.”
Winwyn dedma sa pagkakadakip sa kuya
Parang walang kamalay-malay si Winwyn Marquez sa ginawang pag-aresto sa half brother niyang si Mark Anthony Fernandez. Kapatid sa ina ni Wyn si MarK. Si Alma Moreno ang pareho nilang ina.
Sa post ni Mark Herras sa Instagram account niya, magkasama sila ng girlfriend na si Win na nagtampisaw sa isang lugar sa Cebu City. May pic pa ang Kapuso actress na nakikipaglaro sa butanding sa Oslob Cebu.
Samantala, support and prayers naman ang pinahatid ni Renz Fernandez sa Kuya Mark niya
Kinoronahang Miss World may boyfriend na hunk
Lumantad ang boyfriend ng bagong Miss World PH na si Catriona Gay, si Clint Bondad, nang manalo ang Albay beauty.
Unknown si Clint para sa marami pero instant celebrity siya ngayon. May post nga siya sa Instagram account niyang magkasama sila ni Catriona.
“I look like SUCH a fan boy…Omg, my only picture with you @catriona_gray and I look like this! Ha! Ha!” caption ni Clint.
Kung sexy si Catriona, sexy rin ang katawan ni Clint na sumulpot ang hubad niyang katawan na puno ng abs nang manalo ang girlfriend, huh! Nakagawa na rin ng pelikula si Clint. Nakasama siya sa pelikulang Girlfriend for Hire na pinagbidahan nina Yassi Pressman and Andrei Paras.
Unlike Megan Young nu’ng manalo bilang Miss World 2013 na pahaging lang ang tugon kung may relasyon sila ni Mikael Daez, mukhang hindi napigilan ng Miss World PH organizers si Catriona na ilantad ang boyfriend, huh!
- Latest
