Aktres na mala-angel ang mukha masama ang ugali!

Sayang ang aktres na ito, maganda ang showbiz career, love life at isa siya sa nagtataglay ng, A face that refreshes. Ibig sabihin kahit hindi naka-make-up, maghilamos lang, maganda pa rin siya. Ah, basta, napakaganda niya. Ang daming guys, showbiz-non showbiz ang nag-iilusyon kay girl, pero taken na siya. Pero kahit anong ganda ng tao may kapintasan din, masama ang ugali ni girl.

Nasa likod pala ng magandang face, katawan at lambing magsalita ang kasamaan ng ugali nito. Sa madaling salita may baho siya, hindi pala makontrol ang singaw kesehodang may mapahiya.

Sayang ka girl! Sana, stick sa iyo si BF mo, kaya be good, hija!

Sophie tinambakan ng trabaho

Kasama sa isang comedy show ng TV5 ang Artista Academy scholar na si Sophie Albert, ang No Harm, No Foul with Eula Caballero, Yoyong Martirez, Tuesday Vargas, Long Mejia, and Ogie Alcacid at Randy Santiago, at may mga iba pang naka-line-up na project ang TV5.

Aba, biglang dami, hindi daw kaya pang-hold ng Kapatid Network sa magandang dilag ang mga sinasabing project para huwag siyang lumipat sa ABS-CBN. Kasi, recently may nabalitang nakita si Sophie sa ABS-CBN na pumasok sa isang executive room! “Naku! Hindi po totoo. Hindi ko po alam ang pasikot-sikot ng ABS-CBN. Naku, nakakahiya po sa TV5.” Mariing pagtanggi ni Sophie sa nasabing issue.

Good girl, may loyalty!

Umaapaw ang mga nanonood

Wala talaga, parang matamis na pagkain na pinupupog si Willie Revillame sa kanyang Sunday Variety Show na Wowowin, sa GMA7 ito airing, pero ang gamit na studio ay malapit sa Quezon City Hall.

Malaki ang studio at kung hindi kami nagkakamali, exclusive ito kay Willie, ang host-producer ng show. Sa laki ng studio, hindi pa rin kasya ang mga tao. Magagaling ang mga martials na siyang nag-aayos ng mga naka-pila sa labas, ang siste hindi na makapasok ang iba dahil apaw na ang manonood.

Bobby at Angelu maligaya sa apat na anak

Naku, may bago na namang aabangang panoorin sa hapon, starting  July 27, ang Buena Familia. Pampamilya talaga ang takbo ng story at isa lamang ito sa maraming mga project na inihahanda ng GMA7.

Sa Buena Familia, makikita ninyo ang iba’t ibang klase ng pamilyang Pilipino na mayroon ang Pilipinas. Take note, reunion ito ng dating popular na loveteam ng 90’s, sina Bobby Andrews at Angelu de Leon, na parehong may mga pamilya na. Happy family with four children na ginagampanan nina Kylie Padilla, Julie Anne San Jose, Julian Trono, and Mona Louise Rey. Pero dahil sa isang kamalian ng ama ng Buena Familia, nawasak ang kanilang tahanan.

In real life, nangyayari ‘yan! Direksyon ng isa sa magagaling na man behind the camera, si Gil Tejada Jr. and created by GMA Drama Group headed by Lilybeth Rasonable (Senior Vice President for Entertainment TV), Redgie A. Magno (Vice-President), Cheryl Ching Sy (Asst. Vice-President) and Arlene Pilapil (Executive Producer). Sobrang nakaka-atrak ang ganda ni Kylie. Kasama pa rin sa cast sina Jake Vargas at Martin del Rosario, Jackie Rice, Ryza Cenon, Aicelle Santos, Mayton Eugenio, Mel Kimura, Lou Sison and Ms. Tessie Tomas.

CONDOLENCES...

Condolences to colleague Cristy Fermin, TV & radio host ng TV5 Kapatid sa pagyao ng kanyang kapatid na si Ate Lavinia Fermin kamakailan. Naka-himlay ang labi sa kanilang tahanan sa Nueva Ecija. Eternal rest grant unto the soul of Lavinia, oh Lord, and let perpetual light shine upon her, may she rest in peace! AMEN!