Kuwento nang nakaligtas sa Mamasapano masaker dinaig ang pelikula!

Napanood ko sa 24 Oras ang report tungkol sa pulis na nakaligtas sa Mamasapano massacre noong January 25.

Boses lamang ang narinig dahil hindi ipinakita ang mukha ng pulis na nagkuwento tungkol sa kanyang hindi malilimutan na karanasan.

Masahol pa sa isang bayolente na action movie ang salaysay ng survivor. Nakakapangilabot ang kanyang kuwento na nagtatawanan pa ang mga rebelde habang isa-isang pinapatay ang Fallen 44 ng PNP-SAF.

Nakalulungkot na kapwa Pilipino ang pumatay sa kapwa Pilipino.

Klarung-klaro ang kuwento ng SAF survivor. Ipagdasal natin na maka-recover siya mula sa kanyang traumatic experience.

Bagong gf ni Cesar, disente at napakaganda!

Na-curious ako na makita ang itsura ni Sandra Seifert dahil sa bagong reklamo ni Sunshine Cruz laban kay Cesar Montano.

In fairness, napakaganda pala ni Sandra na hindi nakapagtataka dahil ex-beauty queen pala siya. Hindi rin stranger si Sandra sa showbiz dahil nag-aartista siya noon bago sumali sa Miss Earth Philippines.

Maliban sa pagiging beauty queen, wala na akong ibang alam na impormasyon tungkol kay Sandra.

May mga nagsabi sa akin na napaka-disenteng babae ni Sandra  kaya walang puwedeng ipintas sa pagkatao niya.

Masuwerte  ang mhin na mamahalin ni Sandra. Si Cesar na kaya ang lucky guy?

LT witness sa mga ginawa nina Daniel at Kathryn

Witness si Lorna Tolentino sa sweetness nina Kathryn Bernardo at Daniel Padilla sa set ng Crazy Beautiful You kaya hindi niya maiwasan na kiligin.

Mula nang mag-umpisa ang shooting ng kanilang pelikula, halos araw-araw na magkakasama sina LT, Kathryn, at Daniel.

Sila ang magkakasama sa shooting ng Crazy Beautiful You sa malayong lugar ng Tarlac dahil dito nakatira  ang mga Aeta na may special participation sa pelikula.

Ewan ko lang kung aware ang Aeta community na mga sikat na artista ang mga kahalubilo nila.

Hindi lamang si Daniel ang nagbigay ng school supplies sa Aeta children  dahil nagbigay din ng mga donasyon si Kathryn at ang Star Cinema.

Parang Pasko ang feeling ng mga Aeta dahil sa mga donasyon na natanggap nila mula sa cast ng Crazy Beautiful You na mapapanood sa mga sinehan sa February 25.

Anne ka-birthday ni Jinggoy

Hindi lamang pala si Senator Jinggoy Estrada ang nag-celebrate kahapon ng birthday.

Kaarawan din kahapon ni Anne Curtis na 30-years old na.

Mahigit sa kalahati ng buhay ni Anne, ginugol niya sa showbiz dahil batambata pa siya nang magsimula ang kanyang acting career.

Noong nakaraang taon, nagkaroon si Anne ng salu-salo para sa entertainment press. Birthday din niya noon at ginanap ito sa isang restaurant sa Morato. Kailan kaya mauulit ‘yon? Paki-ask mo nga Mama Salve!

Reception ng kasal nina Chiz at Heart nasabay sa pagsisimula ng semana santa

Plano ng mga reporter na kumbidado sa wedding reception nina Heart Evangelista at Senator Chiz Escudero na magsimba muna bago pumunta sa Blue Leaf, Aseana City.

Ngayon kasi ang Ash Wednesday at ayaw itong ma-miss ng mga reporter na madasalin.

Marami sa mga reporter ang invited sa wedding reception nina Heart at Papa Chiz.

At dahil Miyerkoles ngayon, mag-expect tayo sa overacting na trapik papunta sa Blue Leaf dahil ngayon din ang araw ng simba sa Baclaran Church.

Hindi nalalayo sa  Blue Leaf ang Mall of Asia Arena na pinagdausan naman ng wedding reception nina Dingdong Dantes at Marian Rivera noong December 30. Holiday nang ikasal sina Marian at Dingdong kaya hindi naranasan ng kanilang mga bisita ang traffic sa Edsa.