Two years nang nakatengga, pinamiling pabango sa sosyal na department store ng actress, hindi pa rin kinukuha
Ginamit ko kahapon sa Rustan’s ang mga gift certificate na matagal na matagal nang gift sa akin ni Papa Miguel Belmonte. Nangingitim na nga ‘yung iba dahil 2007 o 2007 pa yata ‘yun.
Nakatisod pa ako ng balita habang hinihintay ko na mailagay sa shopping bag ang items na pinamili ko.
Hanggang ngayon, hindi pa kinukuha ng isang TV host ang mga pabango na binili niya, two years ago. Mga pabango dahil twenty two-pieces ang binili ng TV host na gumastos ng more than P30,000.
Ang sey ng salesclerk, hindi kinuha noon ng TV host ang mga pabango dahil kulang o naubos na ang mga stock.
Nang makumpleto na ang mga stock, tinawagan nila sa telepono ang TV host para sabihin na ready for pick up na ang mga binili niya dahil wala nang kulang.
Nag-yes naman ang TV host pero hanggang ngayon, nakatambak pa rin sa department store ang mga unclaimed perfume.
Close kami ng TV host. Muntik ko nang i-claim ang mga pabango pero naghunos-dili lang ako.
At least, alam ko na ngayon ang mga Christmas gift na ibibigay ng TV host sa staff ng kanyang programa.
First time ko na rumampa sa Edsa Shangri-La Mall mula nang magkaroon ito ng East Wing.
In fairness, maganda ang East Wing ng mall na puwedeng ilaban sa mga sosyal na mall sa Amerika at ibang bansa.
Wala akong na-sight na mga celebrity kahapon pero ang balita ko, favorite na puntahan ng mga artista ang East Wing ng Edsa Shangri-La Mall dahil malaya sila na nakakapag-shopping. Kung may fans man, magalang na lumalapit sa kanila ang nagre-request ng photo op.
Rhian Ramos car racer ang bagong boyfriend
Car racer pala ang bagong boyfriend ni Rhian Ramos. Marami nang sightings kay Rhian at sa kanyang current dyowa.
Nang maghiwalay sila ni KC Montero, nagbitaw ng promise si Rhian na hindi muna siya makikipagrelasyon sa loob ng dalawang taon.
Hindi natupad ang pangako ni Rhian sa sarili dahil dumating sa buhay niya ang car racer na iimbestigahan ko pa ang pangalan at face value. Face value raw o!
Basta ang sabi ng source ko, hindi katangkaran ang mhin na hindi nakapagtataka dahil hindi rin naman 6-footer ang ex-boyfriend ni Rhian na si Mo Twister.
Isyung pagpaparaos ni Cesar Katsipan
Matagal na pala ang cheap issue tungkol kay Cesar Montano pero ngayon lang napag-uusapan dahil natabunan ito ng Mamasapano Massacre case.
Cheap issue ang tawag ko sa bagong pagsubok kay Cesar dahil katsipan naman talaga.
Hindi ako close kay Cesar at wala akong masyadong alam tungkol sa kanyang personal na buhay, maliban sa mga paninira na nababasa ko.
Kung ako ang tatanungin, hindi ako naniniwala na magagawa ni Cesar ang mga paratang laban sa kanya. Maraming paraan para makaraos siya as in hindi na niya kailangan na gumawa ng kalaswaan.
Basta ang wish ko, makaraos si Cesar sa lahat ng mga pinagdaraanan niya na pagsubok dahil kumbinsido ako na mabuti siyang tao sa kabila ng pagkakaroon niya ng playboy image. Hindi naman kasalanan ni Cesar na magkaroon ng malakas na sex appeal at habulin siya ng mga babae.
- Latest
