Si Pops lang daw ang nag-iisa Martin itinangging sinabi niyang bagong Concert Queen si Toni

Gustong linawin ni Martin Nievera ang news item na lumabas wherein na-quote siya na sinabi niya raw na si Toni Gonzaga ang next Concert Queen.

“I love Toni. I think, Gary V. and I fight all the time about how we both admire this girl. And she always reminded me of Pops (Fernandez).

“She’s versatile, she can sing, she can dance, she can host, she can speak both Tagalog and English, equally fast and equally well. Her charm on stage, her charm in front of the camera are her natural ability to speak.

“All I said was, she reminds me of the Concert Queen, Pops. Not that she would be the next Concert Queen. Not saying that she has no ability to be a Concert Queen, but there’s only one Concert Queen. And that’s Pops,” paliwanag ni Martin.

Si Pops naman ay nilinaw ang isyung nag-flop daw ang Celestine: Toni Gonzaga concert na iprinodyus niya last October.

“We did very, very well. I’m very happy, I’m very impressed kay Toni, I know she’s a good singer, she could dance. And I know she put, I think, more than a hundred percent on that show kasi siya talaga ‘yung, actually silang dalawa ni Paolo (Valenciano) ang nag-conceptualize ng show, she worked so hard for it, she really rehearsed for it,” say ni Pops.

“When I chose to produce Toni, alam kong magaling siyang kumanta, nakakasayaw siya, magaling siyang magsalita. But when I watched her in the concert, mas na-surpass pa niya ‘yung bilib ko sa kanya, because nga she was very calm, she’s such a perfectionist. And I think people expected her to have the title “Concert Queen”.

“Tama si Martin. Why would she aspire for that? I think she has her own title which is even better. She really is a multi-media artist,” dagdag pa ng Concert Queen.

Pero ayon kay Martin, in fairness to Pops, back then, si Pops ang masasabing multi-media artist.

“What was multi-media meant then, that was Pops. What does multi-media mean now, that’s Toni,” say ni Martin.

Anyway, matagal-tagal na ring hindi nagsasama si Pops and Martin sa isang major concert kaya ngayon ay muli silang makikita together sa The Penthouse Live The Reunion on Dec. 12 sa PICC Plenary Hall.

TV5 pinagbigyan ang fans nina Mark at Shaira Mae

Masayang ibinabalita ng TV5 na nagbabalik ang Wattpad character na minahal at kinakiligan ng marami, si “Kamahalan” Kyle sa sequel na Wattpad Presents Mr. Popular Meets Miss Nobody Book 2 simula ngayong Lunes, November 24, 9:30pm.

Dahil sa sunud-sunod na request na natatanggap ng TV5, inihahandog ng Happy Network ang pinakaaabangang continuation ng kuwento na una nang kinagiliwan ng mga manonood sa Mr. Popular Meets Miss Nobody Book 1.

Ibinabalik ng romantic-comedy sequel na ito ang tambalan ng Artista Academy scholars na sina Mark Neumann at Shaira Mae dela Cruz kung saan ipagpapatuloy nila ang istorya ng “nobody” na si Chelsea (Shaira Mae) na ngayon ay official girlfriend ng pinaka-popular na lalaki sa kanilang campus na si Kyle (Mark).

Ipapakita ngayon ni Kyle kung paano niya ipaglalaban at patutunayan na si Chelsea ang natatanging babae para sa kanya habang pinipilit siya ng kanyang ama sa isang arranged marriage sa kanyang nagbabalik na ex-girlfriend na si Mandy (Yassi Pressman).

Tampok din dito sina Lander Vera Perez, Shirley Fuentes at ang veteran actress na si Perla Bautista, kasama ang mga young artists na sina Diego Loyzaga, Pam Mendiola, Donnalyn Bartolome, Bryan Olano, and Prince Justine Navarro.