Alaala babalikan sa Penthouse Reunion Pops inosente nang makuha ni Martin
After twenty-seven years, muling magbabalik ang Penthouse Live nina Pops Fernandez and Martin Nievera but this time, not a TV show but a concert.
Titled Penthouse. . .Live The Reunion, Pops will be producing the concert under her DSL Productions and will be coinciding the Concert Queen’s birthday.
“We’ve been planning the reunion for a long time,” kwento ni Pops kung paano nabuo ang concert nang makatsikahan namin siya kahapon sa Jet 7 Bistro sa Presidential Tower, Timog, “actually dapat, party lang siya and then I said, “let’s put up a mini-show na.”
Sa mga hindi nakakaalam, ang Penthouse Live ang first ever TV show nina Pops and Martin. Dito sila nagkakilala, naging magkaibigan, nagkaibigan, at nagpakasal later on. Nagkaroon sila ng dalawang anak, sina Ram and Robin. But the marriage didn’t last long dahil naghiwalay din sila after 13 years at ngayon ay annulled na.
Sa Penthouse Live rin nagsimulang sumikat ang Pops-Martin tandem at kasabay ng pagsikat din ng show ay ang paglago rin ng kanilang career.
The show was very popular back then na halos lahat ng artista noon ay gustong mag-guest sa kanila.
Ang daming memories nina Pops and Martin sa nasabing show kaya bubuhayin nila ito ulit sa concert na gaganapin sa Dec. 12, 8 p.m. sa PICC Plenary Hall.
Say nga ni Martin, hanggang ngayon, ang dami pa ring nagtatangkang gayahin ang Penthouse Live pero hindi talaga magaya-gaya.
“All the shows that you see now, including ASAP, including The Buzz, including all the shows you see now, ang peg nila, Penthouse Live,” sabi ni Martin.
Kung bibigyan ng pagkakataon, gusto ni Martin na magkaroon ulit sila ng TV show ni Pops.
“I wanted Penthouse to be a TV show, not a concert. Pops wanted it to be a concert, but I wanted it to be a TV show, maybe on ABS-CBN, to do a show, to do an actual, maybe one month of Penthouse Live on TV,” sabi ni Martin.
How about Pops? Gusto rin ba niyang magbalik ang Penthouse Live nila on TV?
“We’ve always wanted to. It’s easy for me to work with Martin, eh. So, okay lang ‘yun,” she said.
Pops and Martin are both so thankful sa Penthouse Live dahil napakarami nilang natutunan dito at dito nga nagsimula ang lahat-lahat sa kanilang career.
“We were just two barely new, innocent, I didn’t know what I was doing then, virgin until later on,” natatawang sabi ni Pops.
“Whatever it is, I have to thank this show for actually paving the path for me in showbiz. I did everything kasi, I started as a recording artist, and then I did movies, tapos ‘yun pala, ang magiging strength ko pala is hosting and doing concerts. So, I wouldn’t have known that if not for Penthouse,” patuloy ni Pops.
Dugtong naman ni Martin, “And I wouldn’t have met Pops and had a beautiful family that I have.”
Hirit ulit ni Pops, “I’m the best thing that ever happened (to Martin), second to Robin and Ram.”
Natanong sina Pops and Martin kung sa tingin ba nila ay may posibilidad na mangyari rin sa kanila ang nangyari sa mag-asawang Rosemarie Gil and Eddie Mesa na pagkatapos maghiwalay at mag-asawa ng iba ay sila rin pala ang magkakabalikan in the end.
Ayon kay Pops, lagi nga raw ito ang tinatanong sa kanila ni Martin everytime na may presscon sila.
“Nakakaloka, may pressure,” say ni Pops.
Ayon kay Martin, siyempre ay hindi pa rin nila masasabi kung ano ang pwedeng mangyari in the future.
Wala na bang spark silang nararamdaman for each other?
“No,” sabi ni Martin. “Now that you’re asking it, no. But don’t ask and maybe there’d be a spark.”
Seriously, say ni Martin, “we just had grown up and we’ve matured to this point of our lives.”
Siyempre, sa concert ay kasama pa rin nila ang mga dating kasama nila sa Penthouse Live tulad nina Nanette Inventor (Donya Buding) at ang boy-group dati ni Jojo Alejar, ang Jojo Alejar and the Tigers plus a lot of surprise guests.
Rowell Santiago will be directing the show at ang musical director naman ay si Homer Flores. When asked kung bakit hindi si Fritz Ynfante ang kinuha nilang direktor na siyang direktor ng Penthouse Live tv show, say ni Pops ay gusto raw niyang manood at mag-enjoy lang si Direk Fritz sa concert.
For ticket inquiries/reservations, call DSL office at 659-3474, 0918-5633781, 0943-2667101 or 09167150672.
- Latest
