Kris hindi makapaniwalang na-‘devirginize’ ni Dennis!

Sobrang kinabahan nga si Kris Bernal dahil sa kinunan na love scene nila ni Dennis Trillo sa primetime teleserye na Hiram Na Alaala.

Ito nga ang first time ni Kris na gumawa ng love scene sa isang teleserye kaya pinaghandaan daw niya ito nang husto.

Mas nakadagdag sa kaba ni Kris ay ang matagal na niyang paghanga kay Dennis kaya hindi siya makapaniwala na ang makaka-devirginize sa kanya sa love scene ay si Dennis mismo.

“Alam naman ng lahat na matagal ko nang crush si Mr. Dennis Trillo at natuwa ako na nakasama ko siya sa Hiram Na Alaala.

“Malaking bonus na itong may love scene kami kasi siya ang makakauna sa akin! As in virgin pa ako sa mga love scenes at first time ko itong ginawa with Dennis!” kinikilig pa na pahayag ni Kris.

Naging maayos naman daw ang pag-shoot ng love scene nila ni Dennis. Sobrang gentleman daw si Dennis kaya nabawasan ang kaba ni Kris.

“Nangyayari nga ba itong eksena na ito sa amin ni Dennis? Parang nananaginip ako ng bongga!” tawa pa ulit ni Kris.

Mapapanood nga this week ang naturang love scene ni Kris at Dennis sa Hiram Na Alaala.

Niño bubuksan ng trust fund ang anak na si Alonzo

Hindi na kami magugulat kung mahirang na “next child wonder” ang anak ni Niño Muhlach na si Alonzo Muhlach.

Bukod sa carbon copy ni Alonzo ang kanyang ama, namana rin nito ang pagi­ging bibo na hinirang naman na Child Wonder of Philippine Cinema noong ‘70s.

Sa kuwento nga ni Niño, hindi rin daw nahihiya si Alonzo kahit na maraming tao. Sasayaw daw ito at kakanta kapag nagustuhan nito na ikinatutuwa ng maraming taong nakakapanood sa kanya.

Sa edad na 5 years old ay sobrang busy na si Alonzo, dahil tatlu-tatlo ang pelikulang ginagawa niya. Natapos muna niya ang pelikulang The Trial for Star Cinema at kasalukuyang ginagawa niya ang dalawang Metro Manila Film Festival (MMFF) entries: Shake, Rattle & Roll XV for Regal Entertainment at ang My Big Bossing’s Adventures under M-Zet and APT Entertainment.

Sa My Big Bossing’s Adventures ay makakasama niya sa episode na Prinsesa sina Vic Sotto at kapwa child star niyang si Ryzza Mae Dizon.

Ayon nga kay Alonzo, best friend na nga raw niya ngayon si Ryzza dahil parati silang magkasama sa mga eksena sa My Big Bossing’s Adventures.

Kahit na nga raw busy na sa kanyang pagiging artista si Alonzo, hindi raw ito uma-absent sa kanyang school.

Ipinagmalaki pa nga ni Alonzo na binigyan siya ng star ng kanyang teacher dahil nagagawa raw niya ang kanyang mga assignment at nakakasagot siya sa mga tanong ng kanyang teacher.

Kapag kinakausap nga raw si Alonzo, kailangan daw ay Tagalog para raw matuto kaagad ito. Kaya sa bahay at sa shooting, hindi puwedeng kausapin in English si Alonzo.

Hindi nga inakala ni Niño Muhlach na magkakaroon siya ng anak na susunod sa kanyang yapak.

Pagbubuksan nga ng isang trust fund ni Niño si Alonzo na makukuha lang nito kapag nakatapos na ito ng college or kapag umabot na ito sa edad na 21.

Taylor Swift Woman of the Year uli ng Billboard

Muli na namang hinirang na Billboard’s Woman of the Year ang multi-awarded country and pop singer na si Taylor Swift.

Si Taylor nga ang kauna-unahang female artist na ginawaran ng naturang pangaral for two years in a row.

Bale ikatlong beses na nakuha ni Taylor ang parangal na ito. Una siyang hinirang ng Billboard noong 2011.

The 24-year-old singer na unang sumikat noong 2006 bilang isang teenage country star ay muling pinakita ang kanyang strength sa recording and sales dahil sa pag-release ng kanyang bagong album titled 1989.

Nag-number one nga sa Billboard Hot 100 song chart ang kanyang bagong single na Shake It Off.

Ang 7-time Grammy winner ay isa sa tinatawag na “most influential artists of her generation” dahil sa kanyang success sa music na nakaka-relate ang mga teens and young adults na siyang pinakamalaking market ngayon.

Ang bawat studio album nga ni Taylor ay bumebenta ng higit na 4 million copies in the U.S. Parehong nagta-top ito sa U.S. and U.S. country album chart.

Si Taylor din ang best-selling digital music artist of all time.

Igagawad nga ang parangal ng Billboard kay Taylor in December sa annual Women in Music event ng Billboard in New York.