Grabe rin ang love scene Anne nakipag-French kiss sa Hollywood actor na si Alexander Dreymon
Masaya ang presscon ng Hollywood movie na Blood Ransom dahil very accommodating ang dalawang bida, our very own Anne Curtis and Hollywood actor Alexander Dreymon who came all the way from Los Angeles, California to attend his first presscon here in the Philippines. Mukha namang nag-enjoy si Drey (iyon ang gusto niyang itawag sa kanya) na nagsabing ang breakfast, lunch, at dinner niya ay balut at ang natutunan niyang Tagalog word ay “kinikilig ako sa ‘yo!”
Two years ago nang may nagsabi kay Anne na isang friend niya na may audition dito ng isang Hollywood movie at nag-try siya. Nag-script reading siya at nagulat siya nang malaman niyang siya ang nakuha sa role, at dahil hindi ito ipinarating sa Viva Films, siya na ang nagsabi kay Boss Vic del Rosario tungkol sa movie na pumayag naman at sa ABS-CBN, na nagpaalam siya to be away for one month. Sinuportahan daw naman siya kaya diretso na siya sa Hollywood. Natanong si Anne kung ano ang difference ng pagtatrabaho roon at sa atin dito.
“I had an enjoyable experience and it’s a different kind of world,” kuwento ni Anne. “Ibang-iba ang working hours nila. They’re very strict, hindi gaya rito sa atin na inaabot ng magdamag ang shooting. I play the role of Crystal, a mysterious girl who is the girlfriend of Roman (Caleb Hunt). For some reason, I was kidnapped by Jeremiah (Drey) who works for Roman and this leads to some complications because I was turning slowly into a vampire. I’ve never played a vampire before, so I had fun doing Blood Ransom. I enjoyed it so much as there’s no much room to play around. I hope to do more films like this and I hope it won’t be my last project in Hollywood.”
Hindi pa kumukuha ng agent niya sa U.S. si Anne, dahil gusto raw muna niyang malaman ang result ng movie after maipalabas dito sa atin starting October 29 at sabay na silang aalis ni Drey for Hollywood after the premiere night to attend the premiere night doon at sa opening ng movie on October 31, in time for Halloween.
Sabi’y may sexy kissing at love scenes na ginawa si Anne sa movie na biniro siya ni Drey at napatili naman si Anne.
“Locally, the sexiest love scene I’ve done was in No Other Woman. Pero mas grabe ‘yung love scenes ko sa movie with Alexander. At first, it was very awkward for me, kasi rito, we don’t do French kiss. So roon, we kiss but director Francis de la Torre (Filipino-American) wants it to be more passionate. Drey told me, he thinks our director wants us to French kiss. So I did it with him, kasi normal lang ‘yun sa kanila but dito, we don’t do it. So Drey is the first guy with whom I had French kissing on camera. Sexy talaga iyong love scene pero sabi ng director, it’s very tastefully done and I survived it. Hindi pa ito napapanood ni Boss Vic kaya excited na rin akong mapanood ito at marinig ang comments ng mga manonood sa premiere night.”
Natanong naman si Drey kung puwede siyang ma-in love sa isang Filipina, sad to say daw wala pa siyang nakikilalang iba except for Anne. But he’s willing to come back to the Philippines, if there is work that will bring him here. May mga Filipino friends siya sa U.S.
- Latest
