Drew natupad ang pangarap na makipaglaro sa mga bata

Ang saya-saya ko kahapon dahil sa mga lootbag na ipinamigay sa presscon ng Season 2 ng Bonakid Pre-School Ready Set Laban na mapapanood sa GMA 7 simula sa October 5.

Si Drew Arellano ang host ng Bonakid Pre-School Ready Set Laban at natutuwa siya dahil natupad ang dream niya na magkaroon ng game show na magbibigay sa kanya ng opportunity na makipag-interact sa mga bata.

“Bonakid Pre-School Ready Set Laban is actually an achieved goal for me. I have been asking my manager for a program, specifically a game show, wherein I would be interacting with kids because I feel like this would bring out more of my fun and light personality. When I was graced with this project, I couldn’t keep my excitement hosting the show,” ang sey ng Ingliserong si Drew sa press launch kahapon ng kanyang game show.

Kahit tamad nang mag-abroad, Marian napilit pa rin ang lola sa Disneyland

Kasama ni Marian Rivera sa bridal shower niya sa Disneyland ang kanyang lola at madir.

Tamad nang magbiyahe sa malalayong lugar ang favorite lola ni Marian.

Eh type na type ni Marian na ipasyal sa Disneyland ang lola niya at dahil ang Hong Kong Disneyland ang pinakamalapit sa Pilipinas, doon lumarga ang maglola.

I’m sure, maligayang-maligaya si Marian dahil nakasama niya sa pamamasyal sa ibang bansa ang kanyang mga mahal sa buhay.

Heart at Sen. Chiz may venue na sa Manila reception

Inimbitahan na ako ni Heart Evangelista sa Balesin wedding nila ni Senator Chiz Escudero sa February 15, 2015.

Nag-beg off ako sa invite ni Heart dahil hindi ako mahilig sa tubig o beach kaya sa Manila reception na lang ako aapir.

Sinabi ni Heart sa akin ang name ng venue na hindi ko muna papangalanan dahil baka magkaroon pa ng mga pagbabago at ikasira ng credibility ko.

Gabay guro mamimigay uli ng bahay

Courtesy of former Senator Manny Villar ang bahay sa Camella Homes na mapapanalunan ng lucky teacher sa malaking event ng Gabay Guro na magaganap sa MOA Arena sa October 5.

Basta sa magandang project, bukal sa loob ni Papa Manny na mamigay ng libreng bahay, lalo na kung para sa mga guro na taga-panday ng isip ng mga kabataan na pag-asa ng ating bayan.

Ang Gabay Guro ang once a year na pagtitipon ng mga teacher mula sa iba’t-ibang panig ng bansa.

Star-studded ang event dahil sa mga artista na magpapasaya sa mga guro. Confirmed na ang participation ni Regine Velasquez na hindi naningil ng ta­lent fee nang ipakanta sa kanya ang theme song ng Gabay Guro.

Rap parang gubat na ang balbas!

Ang kapal-kapal na ng balbas ni Rap Fernandez at matatagalan pa bago siya mag-ahit or else, masisira ang continuity ng mga eksena niya sa Hiram na Alaala, ang primetime drama series ng GMA 7 na nagsimula kagabi.

Bruno ang name ni Rap sa Hiram na Alaala at mabait na anak ng pinuno ng mga rebelde ang kanyang role.

Bagay na bagay kay Rap ang kanyang karakter dahil nag-effort talaga siya na baguhin ang hitsura niya.