Kampo ni Ronnie nagsalita na sa suspensiyon ng Ombudsman

Narito ang pahayag ng kampo ni Chairman Ronnie Ricketts sa ginawang suspension ng Office of the Ombudsman dahil sa pagri-release diumano ng kinumpiskang DVDs at VCDs.

‘‘We are preparing the motion for reconsideration of the Ombudsman’s resolution. The decision is not executory yet as the remedy of the motion for the reconsideration is still available. Chair Ronnie still remains the Chairman of the OMB. We are hoping for the favorable resolution of Mr. Ricketts motion for reconsideration and pray for the lifting of the order of suspension in due time.’’ — Atty. Marian Ivy Reyes Fajardo

Mayor Bistek itutuloy ang QC Film Festival

Natuwa ang mga entertainment press na magdaraos ng kanilang kaarawan ngayong Oktubre hanggang Disyembre dahil sa pagpapahalaga at pagmamahal na inuukol sa kanila ni Mayor Herbert Bautista sa pamamagitan ng isang birthday treat noong nakaraang Sabado sa Valencia Homes ni Mother Lily.

At sa nasabing blowout ay nagkaroon ng Q and A portion at nalaman ang ilang prayoridad nito sa kanyang lungsod bilang mayor, lalo na sa pagtugon sa problema ng pagbaha at paglaganap ng droga.

Natutuwa din nitong ibinalita ang paghahanda sa nalalapit na 75th anniversary celebration ng Kyusi sa susunod na buwan. Itutuloy din nito ang pagdaraos ng Quezon City Film Festival.

Sa sobrang busy, next year na siya makakapag-prodyus kasama ang mga kapatid sa Viva Films na pagsasmahan nina Maricel Soriano, Anne Curtis, at Heart Evangelista.