Chiz at Heart ikakasal na rin!
MANILA, Philippines - Wala pang binibigay na detalye ang engaged couple na sina Sen. Chiz Escudero at Heart Evangelista kung kailan sila ikakasal.
Ito ay matapos ang ginanap na proposal sa Brgy. Buhatan, Sorsogon City, sa bahay nila Chiz mismo kung saan nagbabakasyon ang mag-dyowa. Sa Sorsogon nanggaling ang pamilya Escudero.
Ayon sa isang taong malapit kay Chiz, matagal na raw itong pinagpaplanuhan ng senador at mga kaibigan ni Heart. Noong Huwebes ay lumipad sila pa-Sorsogon kasama ang kambal ni Chiz at ilang kaibigan.
Friday naman nang magdatingan ang ibang kaibigan ni Heart kasama na sina Alessandra de Rossi and Lovi Poe with Rocco Nacino pero wala pa rin daw idea si Heart sa mangyayari. Ang alam daw talaga nito ay bakasyon lang sila.
Kinagabihan ng Sabado, nagulat daw si Heart dahil biglang dumilim sa bahay at ang buong akala nila ay brownout lang. Pero doon na naganap ang proposal.
Lumuhod sa harapan ni Heart ang senador na karelasyon at saka inalok ng kasal ang Kapuso actress.
Heart shaped ang diamond ring na ibinigay ni Chiz sa girlfriend na galing sa kanyang Representative Nanay Evie Escudero – family heirloom – na nasa tabi nila kasama ang kambal na sina Quino at Chesi.
Ang tatay naman ni Heart ay nagpadala ng message sa actress nang mabalitaan ang mangyayaring proposal. “Hi heart. Congratulations. Heard the news and I just wanted to wish you well. It seems like yesterday when you were just a little girl now you’re all grown up, on your own and engaged. As a father, I wish you all the happiness, love and blessings in the world. Only you deserve the best. I love you very much. Dad.....” na binasa ng senador. Doon na raw umiyak si Heart. After na basahin ang message ng daddy ni Heart, pinakuha ng senador sa kanyang anak na lalaki ang singsing na inabot ng kanyang mother. At saka inilagay sa daliri ni Heart at inalok na ng kasal. Agad naman daw nag-yes si Heart at doon na nagsigawan ang mga kaibigan nila.
Pagkatapos daw ay nagkaroon ng fireworks.
Present din si Nyoy Volante na kumanta sa bagong engaged ng kanilang theme song na About Time.
Noong nakaraang buwan lang daw lumabas ang annulment ni Chiz sa church kaya ngayon lang natuloy ang proposal. Sa simbahan daw kasi gustong pakasalan ng senador ang girlfriend kaya hinintay talaga nitong lumabas ang annulment sa dating asawang si Christine Elizabeth “Tintin” Flores kung saan nagtagal ang kanilang marriage ng 10 years.
Almost two years na ang relasyon nina Heart at Chiz.
Si Marian Rivera at Dingdong Dantes ang unang nagkaroon ng proposal sa programa ni Marian at ikakasal na sila sa December 30. (SVA)
- Latest
