Joy nadiskubreng may leukemia

MANILA, Philippines - Isasakay sa taxi ni Grace (Carla Abellana) ang kapatid na si Joy (Rhian Ramos) papuntang ospital. Wala pa ring malay si Joy at sa sobrang pag-aalala ni Grace, nawala ang phone niya. May ibang taong makakapulot ng phone ni Grace at pagtawag ni Matthew (Tom Rodriguez), hindi si Grace ang makakausap niya. Manlulumo si Matthew. Uutusan na niya sina Paul (Ruru Madrid), Alex (Ashley Ortega), at Nicole (Gabrielle Garcia) na magligpit at aalis na sila.

Samantala, magkakamalay na si Joy. Imbes na si Agnes (Lorna Tolentino) at Arnold (Al Tantay) ang tawagan ni Joy, si Felix (Marc Acueza) ang papupuntahin niya sa ospital.

Hindi na aabutan ni Grace si Matthew. Dahil malungkot, dadamayan ni Mateo (Dennis Roldan) at Paul si Matthew. Habang si Joy ay makakatanggap ng bad news- madidiskubre niya na may sakit siyang Leukemia! Papakiusapan niya si Felix na itago iyon kina Grace, Agnes at Arnold.

Pupunta sina Matthew, Paul, Nicole at Alex sa Bar para mag-inuman at makikita ulit ni Matthew si Janine (Pauleen Luna). Habang nag-uusap si Matthew at Janine at akmang maghahalikan na.

Hindi matutuloy ang kiss nila. Malalasing na si Matthew (Tom) at magwawala siya sa bar kaya mapapaaway siya. Iuuwi na siya nila Paul. Mapagdedesisyunan rin ni Matthew na huwag nang maniniwala sa True Love o Soul Mate.