Andrea todo lamon kahit magpapakita na ng laman

Nagkaroon na ng story conference ang sisimulang project ng balik-tambalang Andrea Torres at Mikael Daez na Ang Lihim ni Annasandra. Isa itong sexy fantasy serye na ipalalabas sa Afternoon Primetime drama ng GMA 7.

Pumayag na si Andrea na magpa-sexy at positive ang kanyang tingin sa desisyon niyang magpakita na rin ng ‘skin.’ Right project daw ito para sa kanya kaya time na para lumabas siya sa comfort zone.

Hindi rin naman siya worry dahil mapapanood ito sa TV kaya hindi rin puwedeng masyadong maging malaswa. Alam daw niyang makakaharap pa rin siya sa kanyang mommy at daddy kahit magpa-sexy pa siya.

Hindi siya magpapaka-super payat bilang paghahanda, dahil gusto ng management ay may laman pa rin siya.

Kaya naman malakas pa rin kumain si Andrea at ayaw niyang gutumin ang sarili. Pero araw-araw  naman siyang nagpapakapagod sa gym para raw makain pa rin niya ang mga gusto niyang pagkain tulad ng pizza, burger, at rice. Plus sumasayaw din siya tuwing Linggo sa Sunday All Stars at meron pa siyang trabaho sa Buble Gang kaya natatagtag pa rin ang kanyang katawan sa trabaho.

Natutuwa si Andrea sa project niyang Ang Lihim ni Annasandra na kuwento ng isang babae na nag-aanyong baboy na nagkataon naman sa pinasok niyang negosyo na piggery sa Aklan. Sumosyo lang siya sa kaibigan niya na pinalalago ang business na pagbababoy. Sigurista raw siyang tao na turo ng kanyang daddy kaya masinop siya sa mga kinikita niya sa showbiz. 

Daniel Matsunaga ‘ideal man’ na ng karamihan

Maraming viewers ang natutuwa sa kabaitang ipinakikita ni Daniel Matsunaga sa loob ng Bahay ni Kuya. Kaya pati ang ibang Pinoy na nasa abroad ay nakikigulo at gusto ring bumoto para sa hunk model.

Puro magagandang comment ang ipino-post kay Daniel kaya hindi nakapagtataka na naligtas siya sa katatapos na eviction. Pero nabukong crush na crush niya si Vickie Rushton na pigil ang pagkakilig kay Daniel at nirerespeto rin ng model dahil may BF (Jason Abalos) ito sa labas ng PBB.

Pati tuloy ang Elevator girl na si Cheridel Alejandrino ay hindi makatiis at natatakam na matsan­singan si Daniel. Bukambibig nito na pogi at super bait ang Brazilian-Japanese model-actor na nagpakita ng determinasyon sa kanilang task last week at hindi sumuko kahit sobrang sakit na ng katawan nito. Pero sa huli ay hindi pa rin sila nanalo.

Kaya naman marami na ang nai-inlove rito ngayon.