Anne nakatutok sa gastos sa kanyang concert

Reminder, ngayong gabi ang Annekapal, ang forbidden concert ni Anne Curtis sa Smart Araneta Coliseum.

Payday ngayon at Biyernes kaya pinapayuhan ang mga manonood ng Annekapal na maagang pumunta sa Big Dome, kung ayaw ninyo na maipit sa grabeng trapik.

Ang Viva Concert at ang Annebisyosa Productions ni Anne ang mga producer ng Annekapal. Hands on si Anne sa lahat ng mga kaganapan at gastos sa kanyang concert  dahil co-producer nga siya ng Annekapal.

Controversial couple, hiwalay na naman ang drama

Hiwalay na naman ang dalawang controversial couple na hindi tinatantanan ng mga intriga.

Sa totoo lang, hindi ko na sineseryoso ang mga nangyayari sa kanilang love life dahil namanhid na ako sa drama nila na away-bati.

Maniniwala ako na for good na ang kanilang split up kapag nagkaroon ng bagong boyfriend ang female personality pero hangga’t wala siyang ipinapakilala, nakakundisyon ang utak ko na in love pa rin siya sa kanyang karelasyon na hobby na ang magbigay ng problema. Hindi lang basta problema, malalaking problema!

Mabait at hindi mahirap mahalin ang female personality. Ipagdarasal ko na ma­kahanap na siya nang mhin na magmamahal sa kanya ng tunay at tapat.

Yasmien hindi nagmukhang may edad kay Martin

Alam ng lahat na maaga ako na natutulog kaya hindi ko napapanood ang Rhodora X pero nakakarating naman sa akin ang mga positive review at feedback sa teleserye nina Jennylyn Mercado, Yasmien Kurdi, Mark Herras, at Mark Anthony Fernandez.

Si Martin del Rosario ang latest addition sa cast ng Rhodora X at siya ang parang bagong love interest ni Yasmien.

Ang sabi ng loyal viewers ng Rhodora X, may chemistry daw sina Yasmien at Martin, kahit younger ito ng ilang taon kay Yasmien.

Never na pinagdudahan ko ang acting ability ni Martin dahil napapanood ko siya noon sa mga teleserye niya sa ABS-CBN.

Sana nga, sa paglipat niya sa GMA 7, matupad na ang dream ni Martin na maging leading man sa mga drama show ng Kapuso Network.

Singer-actress lulong, pagpapapatay imahinasyon lang

Walang naniniwala sa claim ng singer-actress na may nagtangka na pumatay sa kanya.

Ang duda ng fans, produkto lamang ng imahinas­yon ng aktres ang pralala na may gustong kumitil sa precious life.

Mas malakas ang kutob ng fans na lulong sa droga ang singer/actress kaya kung anik-anik ang nga sinasabi nito.

May be this time, interesting

Panonoorin ko ang Maybe This Time dahil fan ako ni Sarah Geronimo.

Type ko rin ang theme song at trailer ng new movie nina Sarah, Coco Martin, at Ruffa Gutierrez.

Si Ruffa ang gumaganap na girlfriend ni Coco sa Maybe This Time. Interesado ako na malaman kung paano sila nagkaroon ng relasyon sa movie na showing sa mga sinehan sa May 28.